Zappy (Closed)

難得同朋友去銅鑼灣相聚，雖然呢度有好多餐廳可以選擇，但想搵個清淨啲既地方傾計，的確唔容易。咁啱有緣地就搵到Zappy呢間樓上小店，一出𨋢就感受到佢遠離塵囂個種感覺。店面雖然唔大，但配合柔和音樂同燈光，環境幾舒服。每張枱之間都預留適當空間，俾客人有翻各自私人空間，非常細心。當日可能weekday，人客亦唔算多，只見老闆娘一腳踢。介紹menu落單上面菜執野，老闆娘全程態度超好，我地亦都好滿意佢介紹既招牌菜。第一次試無花果橙柳合桃沙律呢個配搭，感覺好清新，所有食材亦配搭得宜。白酒忌廉汁煮青口非常出色，青口鮮嫩可口，而黑松露薯條外脆内軟又唔油膩。飯後甜品最後order左由一開始已經好想試既peach sorbet，而呢度甜品都無令我地失望🤩 由擺盤已經睇得出廚師好有心思，而佢既味道亦無可挑剔，食得出真材實料，完全自家製。