韓國錦城飯店 (Moved) New Location

這家店服務之差劣，令人髮指。我們一行八人，被安排坐樓上房。當知道我們唔會食價錢較貴嘅烤肉之後，我地就受盡萎屈。因為未人齊，想叫一兩樣，邊吃邊等，人之常情。但一個似有無尚權威嘅超肥韓籍阿嬸，講了一大推溝通唔到嘅半咸不淡廣東話，唔知佢噏乜嘅我地最後先估到，佢係鬧我地咁多人，先叫一兩樣。唉！咩事啫，人未齊叫吖嘛。到後來，人齊真係要點菜，又被她鬧我們點得太少，配菜只可以俾一份，硬要我地叫埋佢推介嗰個菜，先配給我地兩份配菜。唉！唉！呢啲咁嘅下欄配菜，唔使當寶呀嘛。朋友怕她落錯單，重覆一次order。又俾佢鞋口鞋面咁鬧:「聽到，講咁多次做乜。」嘩！幫襯你仲要俾你屹，我地當堂O唒咀。呢個外籍其實一直笑住口面低聲咒罵我地，不過我地全部係斯文人，EQ高，唔會俾佢影響心情。但呢種當客人嚟乞咁嘅服務態度，必須公諸於世。其實唔憤做，咪返鄉下囉。韓國經濟發展都好好，駛乜嚟呢度揾食。不過講返轉頭，佢地咁嘅質素，係韓國應該揾唔到食。講到尾呢個都係一個食評，點都要講下啲嘢食。講真用料下價，味道一般，去一次都嫌多。要食平過佢嘅，金巴利街，柯士甸路一帶大把，重好食過佢。要食好食嘅，唔該去名家或者莊園啦。