鮨廷 (Closed)

第一次係香港試立食餐廳環境好好，立食位置唔多又唔迫，唔會有壓迫感，可以安安靜靜咁欣賞師傅整壽司嘅過程同享受食物。三位師傅刀工好仔細，手法好純熟，然後每整好一款壽司就即刻比客人，真係即叫即整無delay。北寄貝好鮮甜又好爽口 （$12/件）帆立貝大大粒又厚肉，食落都好新鮮（$20/件）油甘魚好肥美，魚油勁香（$25/件）海膽一d都唔腥，雖然無日本食嘅咁甜，但都好鮮（$68/件）本鮪壽司盛合有齊赤身、中拖羅同大拖羅壽司，仲有辣吞拿魚軍艦同蔥拖羅手卷，岩晒中意食吞拿魚嘅人（$150）成餐飯都好放鬆，師傅整一舊就食一舊，價錢唔算平價，但全部食物都好高質，又有咁舒服嘅環境，都算值得