樂林小鍋米線 (Closed)

《米線黃店》咁難得搵到間黃店食米線既當然要去試下（懲罰）啦，餐廳其實係茶記，但齋睇店鋪名仲以為係只係得米線🍜。—————————————————————#小鍋米線$26 配餸另加$6有炸醬，食落酸酸地，好似食緊肉醬意粉啲醬。自製魚腐$8有兩大舊，食落似魚腐加咗少少鯪魚肉，口感比較粉。想要麻辣湯底就要另外加$2，但中辣都無想像中咁辣，麻既感覺唔太出。米線份量好足，對米線無太大要求既人絕對會食得飽飽。👍飲品方面加凍飲$6（大概係），不過個杯係膠杯，外形有啲奇怪，不過味道就正正常常。