Video
Read full review
2017-12-15
51 views
今日出旺角買完野，同朋友出左女人街揾食。女人街兩邊都係餐廳，選擇多到數不清。行行下見到其中一間有小小人龍，所以吸引左我地𥄫下....... 嘩 ！入面有火焰鐵板牛排餐呀！望下個價錢，都幾實惠，一於跟隊.......排左大約五至十分鐘就入到，有一排卡位已 full 左， 所以侍應安排左我哋坐一張兩人枱。餐廳面積唔太大，都係一貫通菜街入邊小餐室嘅size。但係佢嘅裝修好有心思，係模仿以前冰室嘅設計。牆上面有好多懷舊嘅裝飾，而枱面亦都係用唔同花紋嘅瓷磚切成。燈光昏暗好有情調，其實都幾好坐，同外面熱鬧嘅女人街形成強烈嘅對比。睇返餐牌都好多選擇，一心諗住食鐵板，發現原來仲有其他好野。登、登、登、凳 ！就係呢個澳洲和牛火山石燒啦火山石燒嘅配料有粟米西蘭花金菇同埋冬菇等等 。火山石燒其實係用一個爐熱住個石頭鍋，然後加啲配料係上面燒。每個餐仲會配餐湯同蒜蓉包，我哋揀咗羅宋湯。飲落都幾清甜又略帶少少酸味，即刻好開胃。但係蒜蓉包就略嫌硬左D唔夠脆喇。一飲完湯話咁快石燒就上枱了，開火無耐已經聽到滋滋聲, 仲有好香粟米味。澳洲和牛紅白分明，賣相非常討好。澳洲和牛M7 180g $238套餐仲配生菜包同白
嘩 ！入面有火焰鐵板牛排餐呀！望下個價錢，都幾實惠，一於跟隊.......
排左大約五至十分鐘就入到，有一排卡位已 full 左， 所以侍應安排左我哋坐一張兩人枱。
餐廳面積唔太大，都係一貫通菜街入邊小餐室嘅size。
但係佢嘅裝修好有心思，係模仿以前冰室嘅設計。牆上面有好多懷舊嘅裝飾，而枱面亦都係用唔同花紋嘅瓷磚切成。燈光昏暗好有情調，其實都幾好坐，同外面熱鬧嘅女人街形成強烈嘅對比。
睇返餐牌都好多選擇，一心諗住食鐵板，發現原來仲有其他好野。
登、登、登、凳 ！就係呢個澳洲和牛火山石燒啦
火山石燒嘅配料有粟米西蘭花金菇同埋冬菇等等 。火山石燒其實係用一個爐熱住個石頭鍋，然後加啲配料係上面燒。
每個餐仲會配餐湯同蒜蓉包，我哋揀咗羅宋湯。飲落都幾清甜又略帶少少酸味，即刻好開胃。但係蒜蓉包就略嫌硬左D唔夠脆喇。
羅宋湯 蒜蓉包
6 views
0 likes
0 comments
一飲完湯話咁快石燒就上枱了，開火無耐已經聽到滋滋聲, 仲有好香粟米味。
澳洲和牛M7 180g $238
4 views
0 likes
0 comments
澳洲和牛紅白分明，賣相非常討好。
澳洲和牛M7 180g $238
澳洲和牛M7 180g $238
4 views
0 likes
0 comments
套餐仲配生菜包同白飯
牛肉放入燒熱左嘅石頭上面，好快就可以高溫加熱，即刻聞到好香嘅牛肉味
仲有蘿蔔蓉乾蒜頭同埋一個醬汁可以點，食咗第一塊之後，覺得好似爭D野，係岩鹽呀！
冇岩鹽，我哋就用咗普通嘅餐桌鹽調味，第一啖食落去感覺已經唔同曬。牛肉嘅鮮味即刻提升咗，靚牛肉淨係用鹽配都已經好好味。
又可以包生菜食減低油膩感。話咁快成碟牛就俾我哋掃晒。
澳洲和牛M7 180g $238
11 views
0 likes
0 comments
期間侍應好細心又換石鍋又加油， 服務好好，抵讚！但係建議餐廳可以提供埋岩鹽做調味就最好啦！
我地仲叫左菠菜茸帶子蟹肉天使麵 ，呢個配搭相當唔錯，色彩繽紛，賣相亦都好吸引。
菠菜茸帶子蟹肉天使麵 $98
10 views
0 likes
0 comments
帶子煎得好香可惜得三粒，另外嗰天使麵入邊好多蟹肉，完全唔覺得 dry 。而且個菠菜茸汁調校得啱啱好，天使麵好入味，份量又好足，但係食完全碟都唔會有飽滯嘅感覺。整體來講好有水準＄98連餐係好抵食。
菠菜茸帶子蟹肉天使麵 $98
4 views
0 likes
0 comments
係個咁懷舊嘅冰室叫梗係要叫返D童年回憶啦⋯⋯
我哋叫咗黑牛同埋鹹檸七，黑牛真係好多年都冇飲了。如果唔係呢個環境我都唔會諗起要飲佢。
侍應首先送上一個濃濃朱古力雪糕球加冰底，然後喺你面前開一罐可樂慢慢倒落去，突然好有82 lafite 嘅感覺
鹹檸七亦是成罐七喜俾曬你，唔會好似其他餐廳咁只上一杯。咸咸酸酸最啱用來清清D肉味，即刻 fresh 左
黑牛 with set +$9 鹹檸七 with set + $11
5 views
0 likes
0 comments
食到呢度已經覺得好滿足，但係見到佢竟然有日本雪葩食，跟餐都係加三十幾蚊咋，幾飽都要食啦⋯⋯
芒果雪葩好清甜，亦都有好濃既芒果味。佢外表同真正芒果一樣，唔留心觀察其實唔知佢係雪葩。
質地稠度適中，唔會好似真正芒果的甜膩，好適合做餐後甜點。
日本 lisse 芒果雪葩 with set $32
其實佢有好多唔同味道可以揀，下次我想試蜜桃同埋番薯雪葩。跟餐都係三十幾四十咋。
呢間餐廳方便就腳，餐牌應有盡有選擇多，價錢又好合理。簡簡單單食有得，豪食又得。所以呢間餐廳已經鐵定入咗我的encore list， 又搵到一個好地方，下次出開旺角一定會再嚟試吓其他菜式。寫到呢到，已經心思思想再去食了......
Post
