Video
Read full review
2022-11-13
524 views
太子水渠道不嬲都多好嘢食，最近路過，發現之前喺吳松街開業超過 10 年嘅「多寶美食」竟然搬左過嚟呢邊。店鋪主打懷舊街頭小食，想起都有好耐無食過魚蛋、燒賣，就一於買啲返去同屋企人分享。正所謂平有平食，貴有貴食，最緊要係好食。今次只係用左百零蚊，就幾乎已經掃左大半個餐牌。魚蛋($20)、燒賣($20)、牛丸($32)：魚蛋彈牙爽口，絕對唔係時下食到嘅行貨。燒賣有魚肉香味，蘸上店鋪自家調校嘅咖喱汁，辣得過癮。牛丸大大粒，用料講究，食落牛味好香濃，一咬爆汁。另外仲點左山根($10)、墨魚($13) 同 雞肉腸($10)，山根串煙煙韌韌，入口無油膉味，吸汁力一流。墨魚軟腍不韌，加少少甜醬或芥末食，更正！雞肉腸用竹籤串起，食落鹹鹹地，好有風味。至於兩碗生菜魚肉 ($22@) 份量都好足，生菜夠爽口，魚肉滑而無骨，入口爽彈，魚味極重，灑上胡椒粉一齊食，更添滋味。
太子水渠道不嬲都多好嘢食，最近路過，發現之前喺吳松街開業超過 10 年嘅「多寶美食」竟然搬左過嚟呢邊。
店鋪主打懷舊街頭小食，想起都有好耐無食過魚蛋、燒賣，就一於買啲返去同屋企人分享。
正所謂平有平食，貴有貴食，最緊要係好食。今次只係用左百零蚊，就幾乎已經掃左大半個餐牌。
魚蛋($20)、燒賣($20)、牛丸($32)：魚蛋彈牙爽口，絕對唔係時下食到嘅行貨。燒賣有魚肉香味，蘸上店鋪自家調校嘅咖喱汁，辣得過癮。牛丸大大粒，用料講究，食落牛味好香濃，一咬爆汁。
另外仲點左山根($10)、墨魚($13) 同 雞肉腸($10)，山根串煙煙韌韌，入口無油膉味，吸汁力一流。墨魚軟腍不韌，加少少甜醬或芥末食，更正！雞肉腸用竹籤串起，食落鹹鹹地，好有風味。
至於兩碗生菜魚肉 ($22@) 份量都好足，生菜夠爽口，魚肉滑而無骨，入口爽彈，魚味極重，灑上胡椒粉一齊食，更添滋味。
Post
