尚點 小籠包.上海麵館 (元州商場) (Closed)

係童年回憶啊😍。尚點最近同麥兜玩crossover，只要叫返份麥兜二人餐，就送兩隻杯緣子，咁cute唔草齊成套都真係對唔住自己😍。-二人餐($268)包括麥兜樣流沙包、麥兜樣炒飯、雞絲粉皮、黃金家常餅、油菜、麥兜樣椰汁糕同兩杯豆漿，都咪話唔多野食😂！雞絲粉皮麻醬夠多好惹味，炒飯出奇地出色，炒得粒粒分明又唔會太淡口，而且份量超多喎 😱！唔夠既點返個蟹粉小籠包（$68），抓緊食蟹既最後時光，一籠四件好滋味。