Hero Sandwich (Closed)

之前睇到其他食家post上相，非常吸引，所以特登去試一次。因本人頗為喜歡食美式快餐，所以對三文治都有少少要求。我就試個肉眼扒三文治，牛肉方面比想像中厚切少少，本身以為會像以前Arby's類似的燒牛肉薄切burger一樣，原來不是，牛肉都有少少厚度，但食落去都幾okay，肉質不會韌，有肉味，配合埋醬汁，都幾match，加上麵包是經烘過，暖暖地，又香脆，所以有八十分。而我個寶貝女就試佢英雄狗"Hero's dog"，熱狗包是芝蔴包，香腸方面一般，沒有特別，但是也算皮脆隻，至於熱狗醬方面當然是自家製，味道有點像honey mustard，幾好味，所以熱狗的基本三大條件全部有齊，合格，又係八十分。我們叫的是套餐，其中一份要薯條，一份轉凱薩沙律，沙律只屬一般快餐食沙律，五十分，反而薯條方面有些驚喜，新鮮炸起，香脆，加埋調味粉，感覺像食NY fries一樣，只可惜沒有gravy，如過唔係就perfect喇!估唔到，食完再要加多客set order。唯一美中不足的是座位不夠，叫食都無位坐，而且waitress方面service就麻麻地，雖然有幾個咁多，但係好似唔多協調，要多多改善。