通記海鮮酒家 (Closed)

想來想去都唔知食咩，最後都係決定嚟通記食海鮮。中午先來book 位，好彩 book 8點半，仲有位，因為之前食客開始離開。店員好殷勤地招呼內進，地方依舊整潔，由於已經肚餓，於是很快地叫餸，仲叫佢 落左一打 沙薑雞腳 食住先。雞腳暖暖的，又夠入味，又夠諗，好夠膠原感覺。 之後很快到碟，薑蔥炒蟹， 熱辣辣香噴噴，好吸引，食落好新鮮，味道剛好，有濃濃的蟹味之餘，仲有好香的 蔥味。而且隻蟹仲有好多 滑滑的蟹膏。 好大隻的元貝，上面有 蒜蓉粉絲， 元貝肉很爽身， 啖啖肉。 魚，唔算好大條，但蒸到剛剛好，所以 肉質上算嫩滑，正常餸菜。 刺生 : 新鮮，但等的時間較長，首選 三文魚腩 夠肥美，象拔蚌，好爽口。 椒鹽鮮魷，正常野。 椒鹽瀨尿蝦，炸得十分香脆，唔覺油膩，肉質好爽滑，脆卜卜好香口。 芝士龍蝦 : 份量十足，芝士味唔算太濃，有些像上湯，但都好好味，ps 如果可以轉 生麵，比較脆身D 會好D。 海膽炒飯，海膽份量少，唔多覺，像普通炒飯。