Video
Read full review
2019-03-26
278 views
@shazconfections ————————————————————————可能適合對象：#shazconfections甜度（5星最甜）：⭐️⭐️濃度（5星最濃）：⭐️⭐️⭐️🍴：餐具 ✔️/ 蠟燭 ✔️ / 冰袋 ✖️（加$10）/ 紙盒✔️🏷：✔️💬：算係咁啦，當日有3-4位店員，親切有禮！見到飲完水，會主動嚟再斟水，唔會齋傾計唔型樓面，讚！同埋聽到佢哋同遊客溝通，待客之道，做得幾好 👍🏻！🛒：尖沙咀 #cakeup_尖沙咀站 🔘：件裝/ 個裝 7” & 9”（4日前預訂）💰：$68（堂食有10% Service Charge）/ 7” $580；9” $780————————————————————————性價比：中由於之前試過一次，體驗麻麻，今次可以話係「復活賽」。一講Crepe Cake，好多人都會唸到好幾間出名嘅。我哋率先係IG Story做咗民意，睇吓大家點揀。結果係Lady M勝出，但其實Shaz Confections係唔係咁難贏呢？今次見到𠵱款，一眼望埋去，同 @ladymhk 早前出嘅千層蛋糕有異曲同工，大家都出咗黑漆漆嘅千層蛋糕（大家可以睇返我哋嘅Post，介紹過）。不過就
可能適合對象：#shazconfections
甜度（5星最甜）：⭐️⭐️
濃度（5星最濃）：⭐️⭐️⭐️
🍴：餐具 ✔️/ 蠟燭 ✔️ / 冰袋 ✖️（加$10）/ 紙盒✔️
🏷：✔️
💬：算係咁啦，當日有3-4位店員，親切有禮！見到飲完水，會主動嚟再斟水，唔會齋傾計唔型樓面，讚！同埋聽到佢哋同遊客溝通，待客之道，做得幾好 👍🏻！
🛒：尖沙咀 #cakeup_尖沙咀站
🔘：件裝/ 個裝 7” & 9”（4日前預訂）
💰：$68（堂食有10% Service Charge）/
7” $580；9” $780
————————————————————————
性價比：中
由於之前試過一次，體驗麻麻，今次可以話係「復活賽」。一講Crepe Cake，好多人都會唸到好幾間出名嘅。我哋率先係IG Story做咗民意，睇吓大家點揀。結果係Lady M勝出，但其實Shaz Confections係唔係咁難贏呢？
今次見到𠵱款，一眼望埋去，同 @ladymhk 早前出嘅千層蛋糕有異曲同工，大家都出咗黑漆漆嘅千層蛋糕（大家可以睇返我哋嘅Post，介紹過）。不過就分嘢別在Lady M出嘅係竹炭咖啡，而Shaz Confections 𠵱款就係竹炭黑芝麻！
講味道，兩者留香度都突出，味覺感官會明顯知道係咩味。我嘅偏好，會鍾意黑芝麻多啲。咖啡，老老實實，好多地方都有，太大路，黑芝麻特別一啲。再者，佢哋嘅黑芝麻味算出，竹炭味，反而只係OK。但芝麻味幾香，Cream都足夠，當然再濃，會更memorable。不過，味道恰到好處，𠵱一Round，Shaz Confections贏。
第二Round，講Crepe嘅厚薄。今次食，我覺得算OK，唔會嫌太厚，但當然冇我的最愛 @lamlamli_bakery 咁薄，未算去到鞋口（不過最邊位，冇Cream個啲位都有啲乾）！而應該要一提嘅係，Shaz Confections嘅Crepe Cake係會有層薄蛋糕做底，有別於其他Crepe Cake舖，由頭到腳都係Crepe。𠵱一點，都算係得佢哋先有。講特別，係。但厚薄，未覺得會贏，和局！
第三Round，講價錢，$68蚊一件，分量似細咗啲。堂食再加埋10% Service Charge，$70幾蚊，我認為略為貴啲啲。其中略貴嘅原因，有啲唔夠喉，而價錢絕對係行「高檔」路線，但好似做唔到「高檔」感覺。例如，我覺得可以做好少少嘅就係：件蛋糕上碟時，可以整走張圍蛋糕嘅膠紙，會Decent啲。同埋，我會Prefer係舖頭入面播純音樂，instead of 播流行曲（感覺好行旺中）。咁之但係，啲店員都算做得好好，10%俾得合理，俾得甘心。但如果在未上到「高檔」軌道之先，件蛋糕可以再𠝹大件少少，$68會覺得值得啲。性價比，中啦！
——————————————————
#cake #birthday #蛋糕 #生日 #生日蛋糕 #birthdaycake #hongkong #hkig #香港 #香港限定 #hkbakery #caketionary #caketionaryhongkong #呃like #相機食先 #k11 #黑芝麻 #尖沙咀 #尖沙咀美食
竹炭黑芝麻千層蛋糕
$68
88 views
0 likes
0 comments
Post
