Video
Read full review
2015-12-01
2431 views
一行7人來到此小店同朋友晚飯慶祝生日店鋪面積不大 當晚客人數目亦不多 唔知係唔係因為咁 當晚都坐左好耐 唔洗限時限刻交檯 岩哂一班人講唔斷氣咁吹水XD講番食物先 因為有朋友遲來 叫左個芝士薯條咬住等齊人平時唔太好呢種粗身薯條 嫌太粉又無味不過這個薯條一上檯 真係好香噴噴 芝士亦好足料 基本上食到最尾一條都係有芝士嘅 覺得幾抵食然後朋友到齊 加上問埋服務生意見 就叫左以下嘅野:蟹肉芒果他他, 一人一羹食完, 幾清新開胃水牛城單骨雞翼, 而家好多餐廳都出單骨雞翼, 可能有人會覺得無咁抵, 但我自己覺得咁樣一啖食一隻食都幾方便(尤其係把口掛住同朋友講野嘅時候)白汁藍青口配自家制麵包, 白汁味道十分濃, 除左食青口, 配埋自家制麵包撈埋d汁食, 十分美味松露雜菌pizza, 唔想太多肉就order左個無肉的pizza, 松露香氣十足而味道毫不遜色 (圖中芝士粉唔係現成野 幾有誠意)烤春雞, 內有乾坤, 有好多菇, 連埋之前pizza d雜菌, 感覺d菇食極都食唔完, 但都好食ge。值得一提係d車厘茄, 通常d配菜都係求其烚下就算, 呢個車厘茄就調過味的, 幾好食燒鱸魚, 估唔到嘅係, 條魚居
一行7人來到此小店同朋友晚飯慶祝生日
店鋪面積不大 當晚客人數目亦不多 唔知係唔係因為咁 當晚都坐左好耐 唔洗限時限刻交檯
岩哂一班人講唔斷氣咁吹水XD
講番食物先 因為有朋友遲來 叫左個芝士薯條咬住等齊人
平時唔太好呢種粗身薯條 嫌太粉又無味
不過這個薯條一上檯 真係好香噴噴 芝士亦好足料 基本上食到最尾一條都係有芝士嘅 覺得幾抵食
然後朋友到齊 加上問埋服務生意見 就叫左以下嘅野:蟹肉芒果他他, 一人一羹食完, 幾清新開胃
水牛城單骨雞翼, 而家好多餐廳都出單骨雞翼, 可能有人會覺得無咁抵, 但我自己覺得咁樣一啖食一隻食都幾方便(尤其係把口掛住同朋友講野嘅時候)
白汁藍青口配自家制麵包, 白汁味道十分濃, 除左食青口, 配埋自家制麵包撈埋d汁食, 十分美味
松露雜菌pizza, 唔想太多肉就order左個無肉的pizza, 松露香氣十足而味道毫不遜色 (圖中芝士粉唔係現成野 幾有誠意)
烤春雞, 內有乾坤, 有好多菇, 連埋之前pizza d雜菌, 感覺d菇食極都食唔完, 但都好食ge。值得一提係d車厘茄, 通常d配菜都係求其烚下就算, 呢個車厘茄就調過味的, 幾好食
燒鱸魚, 估唔到嘅係, 條魚居然係近似泰式煮法, 個汁係酸酸甜甜加少少spicy, 但我個人不太好這煮法就是
總括食物質素幾好 而且份量好足 所以個個都食到撐住個肚唔願郁而服務生都無因為我地食完就怠慢, 一樣照幫我地加下水,服務都十分貼身 每次舉一舉手就有人應
在繁忙嘅尖沙咀區 搵到個地方可以同朋友食飯又可以慢慢談天說地 確實值得1個笑臉, 為小店加油!
Post
