Video
Read full review
2023-03-07
724 views
身邊有一位朋友不停向我介紹呢間餐廳 咁啱有朋友生日 所以就係openrice book咗一齊去食飯慶祝😆😆事隔一個月都係覺得一定要寫返一篇食評比馬大廚🫶🏽因為約嘅時候喺OpenRice留咗話係生日慶祝 馬大廚竟然特登佈置左生日裝飾 同行生日嗰位朋友都好驚喜好滿意😚😚到我哋坐低咗 影咗一陣相之後 因為馬大廚知道我係朋友介紹同埋book左枱 特登出嚟同我哋傾咗幾句同埋安排今晚嘅嘢食～～果晚嘅menu係咁樣嘅😽😽前菜我地叫左油封鴨肉 黑毛豬醬酥炸石斑 同埋牛油炒田螺前菜 - 鴨肉黑毛豬醬配法包 依個前菜嘅味道絕對比佢望落去好食10倍 個醬係超多肉 同埋鴨肉嘅油香味好重好重❣️我地秒清左😎😎前菜 - 酥炸石斑 呢個前菜都係不得了 有好多蕃茄仔 蕃茄好甜 炸石斑炸到啱啱好 好酥脆 而且好有魚味另外特別想講一講 食完啲魚有好多汁淨咗 飲落去係好甜嘅蕃茄汁 起初我哋以為佢一定落咗好多糖先可以令到佢咁好飲 所以我哋一開始係冇飲晒嘅 之後馬大廚出嚟解釋俾我哋聽 佢係用咗唔同嘅蔬果榨出嚟 100%天然新鮮同埋對皮膚好好！😍😍聽完我哋三個女仔即刻飲晒🤤🤤前菜 - 田螺薯蓉依個又係另外一個好好味嘅前菜 薯蓉係滿
因為約嘅時候喺OpenRice留咗話係生日慶祝 馬大廚竟然特登佈置左生日裝飾 同行生日嗰位朋友都好驚喜好滿意😚😚
56 views
0 likes
0 comments
到我哋坐低咗 影咗一陣相之後 因為馬大廚知道我係朋友介紹同埋book左枱 特登出嚟同我哋傾咗幾句同埋安排今晚嘅嘢食～～果晚嘅menu係咁樣嘅😽😽
前菜我地叫左油封鴨肉 黑毛豬醬
酥炸石斑 同埋牛油炒田螺
24 views
0 likes
0 comments
前菜 - 鴨肉黑毛豬醬配法包 依個前菜嘅味道絕對比佢望落去好食10倍 個醬係超多肉 同埋鴨肉嘅油香味好重好重❣️我地秒清左😎😎
25 views
0 likes
0 comments
前菜 - 酥炸石斑 呢個前菜都係不得了 有好多蕃茄仔 蕃茄好甜 炸石斑炸到啱啱好 好酥脆 而且好有魚味
另外特別想講一講 食完啲魚有好多汁淨咗 飲落去係好甜嘅蕃茄汁 起初我哋以為佢一定落咗好多糖先可以令到佢咁好飲 所以我哋一開始係冇飲晒嘅 之後馬大廚出嚟解釋俾我哋聽 佢係用咗唔同嘅蔬果榨出嚟 100%天然新鮮同埋對皮膚好好！😍😍聽完我哋三個女仔即刻飲晒🤤🤤
17 views
0 likes
0 comments
前菜 - 田螺薯蓉
依個又係另外一個好好味嘅前菜 薯蓉係滿滿嘅牛油香味 除左田螺仲有d菇😆超軟淋 上菜時 佢係啱啱焗好 仲係熱辣辣 所以我地好快就食哂🤤
18 views
0 likes
0 comments
終於食完前菜到個湯 望落好似好普通 但個湯飲落係超濃魚味 係濃到好杰嘅魚湯 馬大廚介紹話佢係喺挪威訂啲唔同嘅魚返嚟打碎佢變成湯😯而且我地見佢menu單點一碗係$88 但套餐就包左嘅😆所以其實計番套餐好抵食‼️
11 views
0 likes
0 comments
食咗咁多樣嘢 終於到main course 😂😂其實佢前菜嘅份量 我哋三個女仔食完已經飽咗😆😆
介紹我嚟嗰位朋友 佢都有推介豬𩣑 果然係必食 好淋好淋 啖啖肉配埋焗到好淋嘅薯菜 正🤤🤤
本身佢menu係跟肉醬意粉 但因為我哋已經太飽 所以就要薯菜～～
10 views
0 likes
0 comments
第2個主菜
串燒羊柳配香草飯 依樣係我最鍾意食嘅主菜👍🏾👍🏾👍🏾👍🏾超推介啊 佢個味道完全係我之前去摩洛哥旅行食嘅couscous😽😽但唔同嘅係佢係用米飯而唔係小米（細細粒圓形嗰啲） 用米飯整可以話係更加岩香港人口味 個人認為小米嗰啲口感有時唔係好知食緊啲咩😆😆
而且佢個醬汁係好濃郁 同埋好惹味🤤🤤南瓜都係好淋好淋！
重點係佢個羊柳係勁重羊味 鍾意食羊嘅朋友一定會鐘意😽😽我哋三個食完都大贊依道主菜👍🏾👍🏾
10 views
0 likes
0 comments
最後一道主菜 大蝦白汁忌廉意粉 依道都係好好味🥲🥲係好味到就算我哋三個已經好飽好飽 都清左碟😚個意粉一上枱係勁香海鮮味😚大蝦燒得岩岩好 肉質超彈牙👍🏾👍🏾😚好掂！！🥲🥲
8 views
0 likes
0 comments
最後最後 馬大廚話嗰日有Hidden Menu 甜品變左栗子雪糕😚😚我係一個平時唔食栗子甜品嘅人 最後除咗啲cream都食晒成個雪糕😆😆雪糕中間有勁多栗子粒 質地好似雪葩咁 好味😆😆
下次再去會再去試埋芝士蛋糕 因為朋友超級推介😚不過果晚成餐飯都好滿意 我地食完飯後出左去露台果到食甜品 馬大廚照顧完其他客人之後 都出咗嚟同我哋一齊傾計😆
知道馬大廚係外國有好多年餐飲同埋煮嘢食經驗 去過好多個國家學F&B 👍🏾其實食完佢煮嘅嘢食 真係覺得佢係一位好有經驗嘅廚師 果晚其實我哋食每一道菜都係由馬大廚自己煮 佢會望住我哋上一道菜食得差唔多先去準備下一道菜 而且佢每道菜都會為我哋介紹材料同埋食法 feel到佢對煮野食係好有熱誠 真係覺得咁樣嘅小店係需要更加多人去認識同埋試下！❣️
最後我地埋單每人300幾蚊 食完真係覺得超超超超值👍🏾👍🏾可以話成晚喺餐廳入面嘅體驗好似食緊私房菜咁 終於明白點解OpenRice啲食評好似打手咁 其實係因為馬大廚真係一間好有故事同埋好好味嘅樓上小店💓
Post
