119韓國站 (Closed)

早前朋友食過話幾好，咁我又去試下。去到攞飛等，其實前面只有1-2張枱就應該到我。期間不停安排3-4人入，但2人就無得入，亦有其他人反映過問題，當然都話未有枱咁唯有等下。等左半個鐘終於下張到我，點知突然間有職員嘅2個朋友黎左，卻比佢跳過左7張枱比佢打尖入左去。然後又有啲過左嘅人比佢入，結果等左差不多8個字。入到去比裝修吸引到，係好有特色。嗌左鐵鏟芝士排骨，味道的確唔錯，除左有香濃芝士味之外，排骨本身有味道有醬汁亦好林。另外嗌左個拌飯，不過不失。仲有嗌左2杯cider rita同一個鍋。價錢唔貴大約350，我唔期望所有食肆或店舖嘅服務態度都要好好，因為我明白比咩價錢就應該有啲咩，但我完全無諗過服務態度會咁差，甚至有一個女仔同佢講完野之後佢用一個好不屑嘅眼神回望我，講真我諗我今次係第一次去亦係最後一次。