喜鍋 海鮮.點心.活刺身 蒸氣石鍋專門店 (Closed)

今日同班朋友仔第一次去食蒸氣火鍋！去左沙咀，叫喜鍋！正到爆丫！！先講個環境，好靚嘅中式設計，地方都算闊落，服務都好好，店員安排好坐住，就會問我地飲乜茶，又介紹食物等！我地四個人嗌左好多野食！全部都勁正！新年當豪一次啦！！不過真係物超所值！先嚟花竹蝦，我地去左睇住牠們游嚟游去，勁新鮮，勁大隻，肉好彈牙，有牙膏，好食！仲有象拔蚌，好細心，會切一條條好方便食，連埋粉絲，入晒味，好新鮮！日本北寄貝又係好正！好大住，蒸得岩岩好，因為全部都即蒸，全部服務員幫我地放，同蒸，所以時間蒸得岩岩好，正！！另一至愛係美國大石蠔，我第一次食呢款蠔，好大隻，好重蠔味，仲有海水鹹味，就咁食岩岩好，好肥美！話明豪食，緊係仲有蟹，同老虎班！！蟹膏滿滿！肉好實！老虎班好滑，皮好厚，好多骨膠元丫，哈哈，可想而知條魚一實好大條！除左海鮮，我地仲嗌左和牛片，花紋勁靚，仲會問我地想食幾成熟，幫我地整，真係正到流，入口即溶，又好重牛味，原來蒸和牛係咁好味，一定要嗌！另外仲嗌左虫草花蒸新鮮雞，手剝惠洲梅菜豬肉丸，雞真係新鮮雞嚟，食得好，好香，豬肉丸都好彈牙，入面嘅梅菜增加左咬口，不錯！食咁多肉都嗌左個菜，不過不失，好大碟，但太飽，