古早味台灣原味 (Closed)

人生在世流流長都未試過食台灣野，平時台灣野比我既印象就淨係魯肉飯同肉燥飯所以都冇乜興趣，但今晚個朋友突然之間話好想食台灣野，係佢既極力鼓勵下我地上網搵到呢間，首先出升降機就見到好多人排緊隊，應該有好多人食，所以都幾好奇究竟有咩食，到去環境幾舒服，有足夠空間比人行，我地揀左坐bar台因為唔洗等，職員見我地咁住背囊又主動同我哋講枱下面可以掛袋，食都食得舒服4啲，我地一口你氣叫左四樣野食同飲品，首先係芋香牛奶又係試新野，芋味都幾香而且唔會話好甜，奶味同芋味平衡，我同朋友都好中意飲，跟住就係蚵仔煎，蠔,蛋同膠漿麵粉既比例啱晒，唔會好重粉味，而且每啖都食到蠔配埋個酸甜汁，完美，古早味牛肉麵都係好impress，湯香肉腍！！塊牛肉又厚又夠juicy!! 個麵係闊條麵，好好咬口，至於台式小雲吞真係好細粒，一啖一隻，味道正常，仲有蔥餡餅，真係估唔到入面竟然有湯! 不過如果可以落少啲油煎會好啲，總括而言呢間台灣菜比我一個好好印象！