Video
Read full review
2010-06-07
39 views
成日經過呢間舊式茶餐廳, 都買過幾次蛋撻, 一向都好好食既, 只係我唔太好茶餐廳之前有次直情去買外賣, 坐係入面等個陣, 見到環境無我想像中咁污糟, 而且老闆狀既人非常nice囉, 所以決定要搵次黎試下!今日lunch過黎試, 去到好好彩剛有卡位坐, 一坐埋去就有阿姐黎收野抹檯, 問左我幾多位, 好快就遞上2杯茶同埋餐具之後望下餐牌, 原來都幾多選擇, 有平時茶餐廳既野食, 仲有咖哩喎不過今次食普通野就叫左個沙嗲牛肉腸仔一丁, 五香肉丁腸仔一丁, 熱奶茶, 茶走, 蛋撻, 菠蘿油蛋撻 - 酥皮款, 一向覺得呢間好食, 雖然佢個櫃係出面唔算熱, 不過好有蛋味, 略嫌薄得滯唔夠厚而且菠蘿油 - 菠蘿幾大個, 上面菠蘿皮唔會太甜, 初時拎到黎覺得奇怪, 原來係未加牛油, 叫佢地加番先知原來落單個陣佢直情寫漏左係菠蘿油, 寫左菠蘿包 不過算啦, 小問題,牛油好夠, 但可惜個包同樣唔夠熱, 感覺唔到個種冷熱既感覺沙嗲牛肉腸仔一丁 & 五香肉丁腸仔一丁 - 一丁非常好味, 都幾大碗, 腸仔有2條咁多, 沙嗲牛肉腸同五香肉丁都非常好味!熱奶茶 & 茶走 - 好香滑, 好似係絲襪奶茶咁, 茶走更加滑
之前有次直情去買外賣, 坐係入面等個陣, 見到環境無我想像中咁污糟, 而且老闆狀既人非常nice囉, 所以決定要搵次黎試下!
今日lunch過黎試, 去到好好彩剛有卡位坐, 一坐埋去就有阿姐黎收野抹檯, 問左我幾多位, 好快就遞上2杯茶同埋餐具
之後望下餐牌, 原來都幾多選擇, 有平時茶餐廳既野食, 仲有咖哩喎
不過今次食普通野
就叫左個沙嗲牛肉腸仔一丁, 五香肉丁腸仔一丁, 熱奶茶, 茶走, 蛋撻, 菠蘿油
蛋撻 - 酥皮款, 一向覺得呢間好食, 雖然佢個櫃係出面唔算熱, 不過好有蛋味, 略嫌薄得滯唔夠厚而且
菠蘿油 - 菠蘿幾大個, 上面菠蘿皮唔會太甜, 初時拎到黎覺得奇怪, 原來係未加牛油, 叫佢地加番先知原來落單個陣佢直情寫漏左係菠蘿油, 寫左菠蘿包 不過算啦, 小問題,牛油好夠, 但可惜個包同樣唔夠熱, 感覺唔到個種冷熱既感覺
沙嗲牛肉腸仔一丁 & 五香肉丁腸仔一丁 - 一丁非常好味, 都幾大碗, 腸仔有2條咁多, 沙嗲牛肉腸同五香肉丁都非常好味!
熱奶茶 & 茶走 - 好香滑, 好似係絲襪奶茶咁, 茶走更加滑, 不過可能佢落得太多煉奶, 飲到落低略嫌太甜
最重要係佢環境真係唔沔糟! 無個種舊式茶餐廳既濕地垃圾地既環境, 一讚!
另外就係侍應個個都唔會黑面 (雖然唔係個個都有笑容), 而且動作唔會好趕咁, 好悠閒, 而且落單唔會嗌黎嗌去嚇親客人, 一讚!
最後就係座位唔迫, 最怕原來放3張檯結果放5張檯個d! 呢間就無, 鬆鬆動動, 坐得舒服!
Post
