Beerliner German Bar & Restaurant (Closed)

平日公司樓下都有德國餐廳，不過價錢比較貴，今天有事到了奧海城，聽見此餐廳是非常出名，比較難BOOK位，故特地看一看有沒有緣份。來到餐廳，可能時間尚早，未到六點左右，仍然可以WALK-IN，不過侍應都跟我們說，要八點半前交桌，然後是比了一張RESERVED的桌給我們，可想而知要食一定要早BOOK。兩人要想吃些什麼都有一定難度，因為秘製德國咸豬手就一定要試，另外便想著要多叫一款或兩款食物。最後選了豬手加一款食物，然後再叫一杯啤酒。外面層皮卜卜脆，趁熱食好香口，不過內裡的肉就有少少比較咸，但肉很嫩，加上少少肥膏，好食！除了豬手，薯蓉也比想像中好食，唔會太漏，又唔會有好「濟」的感覺，另外，就算唔食酸菜的我，都食少少，因為酸菜唔算太酸，味道容易入口。由於蛋黃汁整得幾香，蘆筍頭又好好食，加埋薄薄的火腿，味道比想像中好。唯一美中不足就是火腿份量太少，明明侍應說有4件，來到只有3件。啤酒伴豬手，一流，不可或缺。最後埋單加一就$310，如果第一次食水準都唔錯，而且職員禮貌搭夠，是值得去試。