Video
Read full review
2013-08-14
17 views
今次係我第一次參加試食會雖然平時都食開金牌小龍,不過只限The One分店, 而之前亦因為返工地點食過皇室堡店...首先講一下菜單: 原盅雞湯,涼拌土干絲,金牌小籠包,生煎包,紅燒豬手,紅燒牛肉粗麵,台式三杯雞,朱古力小籠包因為係試食會,我唯有逐個逐個菜講... 原盅雞湯:平時每次都會叫,好清,無咩雞油,夠咸,肉夠淋,唔梅...但係雞肉食前最好一直浸住湯,如果唔係會好干 .飲落去好補,一定唔會係屋企煲到. 涼拌豆干絲:平時唔會叫既冷盤,好香麻油味.雖然好適合夏天叫,但無咩記憶點.如果唔係有vegetarian同行應該唔會特別叫. 金牌小籠包:包慣唔點任何調味料,先咬破包飲湯.再點醋...今次應該係最失手既一次小籠包湯既麻油太多,好似飲左啖麻油一樣,無肉味既湯. 浪費左D豬後腿肉...但係整體黎講夠肉係好食既... 生煎包:好好食...係好好好好食...終於有另一樣食物我下次會叫.咬開個包,啖啖肉,而且我真係食到肉汁啦.夏日熱辣辣....仲要流出黎.我暈啦. 紅燒豬手:平時唔係成日食豬手,但係今次竟然有得食.顏色好靚,味道都夠,豬手個汁好似JELLY.雖然豬手唔係
雖然平時都食開金牌小龍,不過只限The One分店, 而之前亦因為返工地點食過皇室堡店...
首先講一下菜單: 原盅雞湯,涼拌土干絲,金牌小籠包,生煎包,紅燒豬手,紅燒牛肉粗麵,台式三杯雞,朱古力小籠包
因為係試食會,我唯有逐個逐個菜講...
原盅雞湯:平時每次都會叫,好清,無咩雞油,夠咸,肉夠淋,唔梅...
但係雞肉食前最好一直浸住湯,如果唔係會好干 .飲落去好補,一定唔會係屋企煲到.
涼拌豆干絲:平時唔會叫既冷盤,好香麻油味.雖然好適合夏天叫,但無咩記憶點.如果唔係有vegetarian同行應該唔會特別叫.
金牌小籠包:包慣唔點任何調味料,先咬破包飲湯.再點醋...今次應該係最失手既一次小籠包
湯既麻油太多,好似飲左啖麻油一樣,無肉味既湯.
浪費左D豬後腿肉...
但係整體黎講夠肉係好食既...
生煎包:好好食...係好好好好食...終於有另一樣食物我下次會叫.
咬開個包,啖啖肉,而且我真係食到肉汁啦.
夏日熱辣辣....仲要流出黎.我暈啦.
紅燒豬手:平時唔係成日食豬手,但係今次竟然有得食.顏色好靚,味道都夠,豬手個汁好似JELLY.
雖然豬手唔係好淋,但係咁更加覺得自己食左好多骨膠原.
紅燒牛肉粗麵:平時叫擔擔麵都係幼既,第一次知道原來金牌小龍有粗麵牛肉麵有3塊牛展,可惜3塊都厚度不一,所以刀工有待改善
至於粗都係即拉既,口感有d似硬左既香口膠,但係都幾得意既...
應該係佢既銷售對象唔係我...不過佢d咸酸菜配麵就真係幾正
台式三杯雞:三杯雞自己都整過,但係佢今次三杯雞係比平時既唔同 -- 佢既做法係似炒多d,上菜時仲會咋咋聲...好入味,可以話係太入味.因為既甜又辣,好惹味,最好配飯食.
但係好多碎骨,食既時候要小心d
下次我都可能會再試,不過就一定會叫返個飯 .
朱古力小籠包:我係甜品愛好者,所以對甜品有d要求(而且我今次參加主要係想會一會朱古力小籠包)但係我好失望
朱古力要隔水溶係常識,我相信所有餐廳都有做
但係朱古力調溫方面都好重要,做得好朱古力應該有光澤,滑身.
但係今次食到既朱古力無錯係好濃,但係就一粒粒
而且小籠包既皮太厚又無味,我明白要遮蓋朱古力既顏色係好難,
但係可以考慮落糖,加左味道,或許就唔會咁覺佢既厚度.
因為我一次過食,朱古力味都遮唔到佢既厚
如果要推出市面,我唔會特別叫,所以there is a long way to go
最後職員幫我地encore左朱古力小籠包,但係我個粒有條毛係底我講左d咩,你地自己參透下啦
我覺得今次試食會都唔錯,可以知道多d餐廳材料既資料,不過下次我去返The One食先..
Post
