麻辣串串香 (Closed)

呢間串燒店都幾多人等野食，見入面座位少，廢事等太耐，決定叫外賣走，款式選擇多，價錢都唔算貴，有辣有唔辣。烏冬底，蘿蔔，豬紅，海帶，豬大腸，牛腩，水魷魚 $62。塞到個碗就黎脹爆放唔落咁，酸辣味幾出，啲餸份量可以，但唔鍾意啲烏冬冧到仗住咁。燒原條茄子 $32，無得頂啦，燒茄子加調味好難做得難食，大量蒜蓉產生好味化學作用，除左食完會口臭之外，完美。一堆唔同既串燒，最鍾意雞髀菇，口感同味道都好。人均$110左右，雖然唔會飽，但勝在惹味可接受。