恆發雞蛋仔 (Closed)

觀塘人氣高的雞蛋仔舖「恒發」，經過見唔多人等喎， 一於叫底try下啦！點知．．少年，你太年輕了！！！原來有人一買就買2-3底，所以最後等左差唔多25 mins。眼見雞蛋仔夾總共有4個，普通原味雞蛋仔都好快整好，但如果要有餡的雞蛋仔就要俾d時間等下啦。只有一個姐姐整雞蛋仔，也沒有好似其他雞蛋仔舖咁set時鐘計時間。芋泥雞蛋仔一直望住姐姐整果時已經心知不妙，真係烘左好耐，食落雞蛋仔外面一點都不脆，明明即食但都好硬好實，好難啃。裡面餡的芋泥份量少得可憐！慶幸的是芋泥甜度適中，如果可以多d就好啦。不過我會俾多次機會佢，下次買個原味雞蛋仔試下再分享啦。