Video
Read full review
2016-03-19
1215 views
(忙到一月嘅食評宜家先有時間打...)之前已經聽聞過呢度嘅芝士火鍋, 不過都宜家先有機會試一個鍋69蚊, 有埋牛肉或者豚肉食, 有丸同菜等等, 價錢都算合理咁啱夾到timing, 等左冇幾耐就可以埋位啦其實佢限你食60分鐘, 不過絕對夠時間因為我叫左個煲之後好快就送到黎😂幾快? 半分鐘到啦 (走果陣見廚房已經set晒一煲煲 )除左配料之外, 仲有個麵同一碟肉, 絕對夠飽, 醬係有幾隻, 而我揀左呢排嘅最愛-胡麻醬 鍋入面有唔少配料, 有芝士竹輪, 娃娃菜, 蟹棒, 豆腐, 南瓜, 芋絲, 冬菇, 金菇, 粟米, 鳴門卷, 麻吉燒同埋芝心丸因為佢係預先砌好一鍋, 所以賣相唔差, 同poster拍得住事不宜遲, 既刻着爐起筷整體黎講啲野食係合格嘅, 有人會覺得唔夠芝士味, 不過我自己就覺得足夠, 始終都唔想太濃食到厭如果係超級芝士迷可能會有啲失望芝士竹輪係一條通心嘅圓柱體, 入面fill左唔少芝士, 一咬第一啖啲芝士已經衝晒出黎, 熱力將芝士嘅味道帶晒出黎麻吉燒又係第一次食, 外層應該係魚漿, 入面配合主題又係芝士餡, 呢隻芝士整得比較硬, 成粒食落口感有啲似食年糕, 當然芝士味都有係度
之前已經聽聞過呢度嘅芝士火鍋, 不過都宜家先有機會試
一個鍋69蚊, 有埋牛肉或者豚肉食, 有丸同菜等等, 價錢都算合理
咁啱夾到timing, 等左冇幾耐就可以埋位啦
其實佢限你食60分鐘, 不過絕對夠時間
因為我叫左個煲之後好快就送到黎😂幾快? 半分鐘到啦 (走果陣見廚房已經set晒一煲煲 )
除左配料之外, 仲有個麵同一碟肉, 絕對夠飽, 醬係有幾隻, 而我揀左呢排嘅最愛-胡麻醬
鍋入面有唔少配料, 有芝士竹輪, 娃娃菜, 蟹棒, 豆腐, 南瓜, 芋絲, 冬菇, 金菇, 粟米, 鳴門卷, 麻吉燒同埋芝心丸因為佢係預先砌好一鍋, 所以賣相唔差, 同poster拍得住
事不宜遲, 既刻着爐起筷
整體黎講啲野食係合格嘅, 有人會覺得唔夠芝士味, 不過我自己就覺得足夠, 始終都唔想太濃食到厭如果係超級芝士迷可能會有啲失望
芝士竹輪係一條通心嘅圓柱體, 入面fill左唔少芝士, 一咬第一啖啲芝士已經衝晒出黎, 熱力將芝士嘅味道帶晒出黎
麻吉燒又係第一次食, 外層應該係魚漿, 入面配合主題又係芝士餡, 呢隻芝士整得比較硬, 成粒食落口感有啲似食年糕, 當然芝士味都有係度
食到咁上下就清埋豚肉同champon麵, 豚肉不過不失, 始終呢隻都係平野, 容易食入口已經ok而呢隻麵都係第一次食, 麵條比較幼身, 食落有小小堅挺, 雖然得一細碗, 不過因為個鍋都唔少野, 所以都夠食至於豆腐同南瓜呢啲比較易爛嘅餸, 滾兩滾已經融入湯底, 不過係無法避免嘅
一人一鍋黎講呢隻算係比較有特色, 唔係普通打邊爐咁簡單, 不過間唔中一個人黎食就ok, 因為我都係比較鐘意一大班人圍住一個大爐黎打😂
Post
