有蒸氣 海鮮石鍋專門店 (Closed)

大鄉里第一次食蒸氣鍋，揀左間服務超好既餐廳，留下好印象，唔錯唔錯～有幾個唔同價位既蒸氣海鮮餐，越貴就越豐富，有埋牛食，不過我地就揀返最普通既海鮮餐個粥底都可以揀用咩煲，放左料先，等既期間可以食住花生，跟住又可以混下醬～海鮮陸續上枱，我地諗住自己動手之際，已經有姐姐過黎幫手整！海鮮有6款，海蝦同蟶子最正！個海超新鮮好甜，好少可要剝殼都想繼續食～蟶子就好爽口，配埋蒜蓉粉絲冇得輸，想食多幾隻！！大大隻鮑魚大大隻蠔我地食到鮮魷都飽飽地啦尾聲就有個清清地既勝瓜埋尾，都用左兩隻蒜去蒸，清得黎唔寡。最後食埋個粥，加少少蔥同芹菜，啖粥好鮮甜好完滿～