Ruby Tuesday (Closed)

今次因爲有百老匯電器送既六折coupon，趁佢仲未到期，就係啱啱既星期二用咗佢。前一日book定枱，就唔洗等入得，但我去到都見到有人排隊，book定穩陣d入面燈光微暗，好適合情侶浪漫進餐我同友人打算叫一個巴馬芝士明蝦長通粉($268)同埋全份蜜糖燒烤汁經典燒排骨($348)(約13-14條骨)，但去到點餐既時候，侍應推介咗星期二Special menu俾我哋，$238有一份睇落都飽既Roasted Chicken同埋黑松露pasta。聽落抵食過用coupon，我哋最後就點咗呢款，同埋一份必食的芝士煙肉薯條($108)，加上一杯無酒精既芒果沙冰特飲($92)。唔知係咪咁啱個晚多人食，D嘢食等咗成20分鐘先到但食物質素真係好有驚喜，薯條芝士味濃郁，裏面又夠熱，真係食唔停口🤤而個份雞都比我想像中好好多，雞肉嫩滑多汁，輕易切開，配上軟硬適中的闊條麵，媲美一些高級西式餐廳埋單既時候，職員同我哋講依家可以用$100join3個月會員計劃，呢三個月都keep住有半價，節日餐牌都會提供優惠所以我就join咗啦！呢三個月都應該會瘋狂係咁食😂