Video
Read full review
2020-03-14
2947 views
雖然現在好多餐廳都叫苦連天，但依然不少餐廳開張。旅行前看到有周刊報道這間位於太子專食本地蠔嘅餐廳，價錢唔太貴，又幾有趣，因此同屋企人去食下。店非常小巧，完全係家庭式經營，幸好而家係剛剛報導初期都未太爆，不用等位也可以入場。間鋪係有第二代蠔民開嘅直送點，家族於流浮山養本地蠔，蠔日日有新鮮貨，基於佢哋對蠔嘅認識，佢地創作左好多種唔同嘅菜式。鮮蠔湯米線應該係呢一間野嘅入門之作，要認識最原始嘅鮮味，呢一個米線一定幫到你，大大隻的鮮蠔，最清新嘅湯，加上米線，愛簡單鮮蠔的味道，一定非這個莫屬。可能你會話另一個簡單的選擇一定係鮮蠔粥，綿綿嘅粥底加上數隻同樣大小嘅鮮蠔，加上店方提供的菜甫，鮮蠔粥立刻提高了非常的水準。平時食潮州嘢都知道，香脆蠔餅唔係間間做得好，有時有啲潮州店都做得麻麻，但呢度用上非常大隻而足料的蠔仔，還有其蠔餅用上了鴨蛋來煎，粉又不會太厚，味道層次都不同，最緊要剛剛煎起那一刻又香又脆。個人來說，胡椒鮮蠔湯絕對係我個人最愛的選擇，呢度個蠔嘅鮮味，頭先食米線嘅時候都已經知道，不過完全將蠔鮮味提高到最高嘅層次，最愛一定係呢個胡椒湯莫屬，飲下去，又熱又滾，而且胡椒香好強，加點薑絲，味道更強。太
旅行前看到有周刊報道這間位於太子專食本地蠔嘅餐廳，價錢唔太貴，又幾有趣，因此同屋企人去食下。
店非常小巧，完全係家庭式經營，幸好而家係剛剛報導初期都未太爆，不用等位也可以入場。
間鋪係有第二代蠔民開嘅直送點，家族於流浮山養本地蠔，蠔日日有新鮮貨，基於佢哋對蠔嘅認識，佢地創作左好多種唔同嘅菜式。
鮮蠔湯米線應該係呢一間野嘅入門之作，要認識最原始嘅鮮味，呢一個米線一定幫到你，大大隻的鮮蠔，最清新嘅湯，加上米線，愛簡單鮮蠔的味道，一定非這個莫屬。
可能你會話另一個簡單的選擇一定係鮮蠔粥，綿綿嘅粥底加上數隻同樣大小嘅鮮蠔，加上店方提供的菜甫，鮮蠔粥立刻提高了非常的水準。
平時食潮州嘢都知道，香脆蠔餅唔係間間做得好，有時有啲潮州店都做得麻麻，但呢度用上非常大隻而足料的蠔仔，還有其蠔餅用上了鴨蛋來煎，粉又不會太厚，味道層次都不同，最緊要剛剛煎起那一刻又香又脆。
個人來說，胡椒鮮蠔湯絕對係我個人最愛的選擇，呢度個蠔嘅鮮味，頭先食米線嘅時候都已經知道，不過完全將蠔鮮味提高到最高嘅層次，最愛一定係呢個胡椒湯莫屬，飲下去，又熱又滾，而且胡椒香好強，加點薑絲，味道更強。
太太吃的牛三鮮米線相對冇蠔咁搶眼，雖然牛丸和牛腩都幾好，但相對無蠔令人一試難忘，而且同專食牛嘅專門店當然爭啲，不過，阿媽都冇係度，冇理由搵，正等如你冇理由係食牛扒餐廳話人地啲菜唔好食。
然後又試了煎金蠔仔，同啱啱嘅鮮蠔湯同鮮蠔米線有幾大分別，這個相對最吃到廚房嘅功架，蠔邊都帶脆，煎得火喉剛好，如果係用上大少少嘅蠔，應會更好食。
最尾整多碗金蠔米線，滿足。
食咗幾樣唔同嘅野，除咗食到蠔嘅美味外，也感受到多種不同煮法變化，你唔使三心兩意選擇食乜嘢，專心一致吃蠔就好了。
PS如果你喜歡喺屋企下廚，唔想成日出街食，仲可以買一大返蠔返去煎，價錢都不算太貴，如果係fans，絕對值得試。
第一蠔粉麵
旺角西洋菜南街258-260號長寧大廈地下C及D號舖
Post
