Video
Read full review
2020-07-17
352 views
❀ Milu Thai มิลู่ไทย #銅鑼灣❀❗️第二次食 超級正巨型龐大火山排骨❗️前嗰排成日見到呢個巨型火山排骨，原來就係喺milu thai有得食🙀上年已經嚟過，當時未咁hit但食完已經覺得好好味，所以決定為咗佢個火山排骨二訪‼️近期疫情嚴重，佢哋連呢個火山排骨都有得外賣，不過留意7月15至21日店舖就暫停營業。.✷𝑀𝑒𝓃𝓊✷☞火山排骨$178的確好澎湃🤩有三大條手臂咁粗咁長嘅排骨，而且仲煮到非常淋，加上泰式酸辣汁作調味，酸酸甜甜辣辣，的確好食！不過始終係排骨，所以骨嘅比例的確比肉多，但好在有好大好多塊，所以都幾滿足。味道: 4.2/5 性價比: 4/5.☞泰式蛋包金邊粉 $108靚靚嘅蛋包金邊粉，欣賞佢擺上三隻用甜酸醬煎炸過嘅蝦，香口美味👍🏻但金邊粉鑊氣唔係好夠，味道偏向似蕃茄，有少許芽菜同埋豆皮，唔算特別。味道: 3.5/5 性價比: 3.6/5 .☞青咖喱軟殼蟹配蒜蓉包 $158椰香味重，微辣，配上三大嚿軟殼蟹，唔太特別但的確好食😙配上嘅蒜蓉包真係幾出色，四粒正方形，烤到外脆內鬆軟，點埋青咖喱食真係一流。味道: 4/5 性價比: 4/5.☞豬頸肉沙律$88完全冇諗過有咁多豬頸肉😍
❗️第二次食 超級正巨型龐大火山排骨❗️
前嗰排成日見到呢個巨型火山排骨，原來就係喺milu thai有得食🙀上年已經嚟過，當時未咁hit但食完已經覺得好好味，所以決定為咗佢個火山排骨二訪‼️近期疫情嚴重，佢哋連呢個火山排骨都有得外賣，不過留意7月15至21日店舖就暫停營業。
.
✷𝑀𝑒𝓃𝓊✷
☞火山排骨$178
的確好澎湃🤩有三大條手臂咁粗咁長嘅排骨，而且仲煮到非常淋，加上泰式酸辣汁作調味，酸酸甜甜辣辣，的確好食！不過始終係排骨，所以骨嘅比例的確比肉多，但好在有好大好多塊，所以都幾滿足。
味道: 4.2/5 性價比: 4/5
.
☞泰式蛋包金邊粉 $108
靚靚嘅蛋包金邊粉，欣賞佢擺上三隻用甜酸醬煎炸過嘅蝦，香口美味👍🏻但金邊粉鑊氣唔係好夠，味道偏向似蕃茄，有少許芽菜同埋豆皮，唔算特別。
味道: 3.5/5 性價比: 3.6/5
.
☞青咖喱軟殼蟹配蒜蓉包 $158
椰香味重，微辣，配上三大嚿軟殼蟹，唔太特別但的確好食😙配上嘅蒜蓉包真係幾出色，四粒正方形，烤到外脆內鬆軟，點埋青咖喱食真係一流。
味道: 4/5 性價比: 4/5
.
☞豬頸肉沙律$88
完全冇諗過有咁多豬頸肉😍根本就係一個燒豬頸肉，夠晒香口，啲菜反而少到似伴碟，只係有少量洋蔥青瓜西芹，感覺好抵食！
味道: 4/5 性價比: 4/5
.
☞香煎薄餅 $38
係薄薄非常脆嗰種薄餅，有兩大塊，用嚟點咖喱都唔錯☺️。
味道: 4/5 性價比: 4/5
.
整體來講呢一間泰國菜的確幾唔錯🥰🥰🥰而且有好多特色食品，除咗今次呢個超級有gimmick嘅火山排骨之外，佢哋仲有三色咖喱，原隻燒雞等等，想食泰國菜不妨嚟呢一間。
火山排骨
$178
183 views
0 likes
0 comments
火山排骨
$178
127 views
0 likes
0 comments
泰式蛋包金邊粉
$108
85 views
0 likes
0 comments
青咖喱軟殼蟹配蒜蓉包
$158
57 views
0 likes
0 comments
青咖喱軟殼蟹配蒜蓉包
$158
86 views
0 likes
0 comments
豬頸肉沙律
$88
43 views
0 likes
0 comments
Post
