細蓉記 (Closed)

因為晚上要去上環文娛中心觀賞朋友第1次擔當主角既drama, 但怕完左太夜, 所以特意提早約左兩個朋友一齊去上環搵食先~~第1次山長水遠黎到上環, 人生路不熟, 咁啱係上環文娛中心附近俾我地搵到呢間細蓉記, 我地見d食物賣相唔錯, 價錢唔太貴, 於是入左去~ 呢度既招牌菜係細蓉, 當然要叫返碗試下~ 由於本人胃口較少, 所以呢碗細蓉對我來說份量啱啱好~ d麵好似瑤柱麵, 唔似平時食開雲吞麵既生麵咁韌, 韌度適中~ d雲吞細細粒, 味道唔錯, 食落唔會有一陣梘水味, taste good~(p.s. 當晚食緊麵果陣突然發現Mag 就坐係隔離檯食緊麵~ 我仲同佢對望左好幾次~)