Video
Read full review
2011-08-31
38 views
再唻開咗剛２年的川燒食晚飯，第一次唻係同好友慶祝生日嘅，今次第２次再唻同樣都係為好朋友慶祝生日而食，只係人物唔同啫。又一年了，其實時間真的唔算過得很快，有時更會覺得日子過得很慢添，只係每到生日前席要諗去邊到食、食乜野面傷腦筋嘅時候，就會覺得時間過得真係好快，咁又一年喇！！我地１９４５去到，因為冇訂位，所以同上次一樣只有門口高枱同門口側的枱可揀，咁我地都係揀咗高位，起碼睇住佢地燒而唔係面向門口先啦。揀乜野食物當然由壽星仔負責啦，不過我明知佢一定揀哂我會食嘅野，所以我都預先話佢知有Ｄ乜野佢會鍾意食我唔食而又好食嘅，例如羊仔架喇。我就一路影相一路望住佢揀野食，得閒又比吓意見咁，Click好要嘅野就交畀店員，店員都有介紹一些時貨海鮮，不過當時我地已經揀咗１３款食物喇，所以都話唔使咯，直到有４款食物上枱後覺得份量(Size)比我上次幫襯細咗，怕會唔夠食，又見到好多人都叫燒魚喎，一問之下知道有３種魚揀：大眼雞、馬友與未聽過的ＸＸ，好啦，好似好正我地又未食過喎，就叫一條啦，但係未食都已經唔記得係叫乜野名喇....哈哈哈哈。以下就係我地當晚順序上枱嘅食物：０１）燒八爪魚鬚 ($14)﹣比上次食的細條但
又一年了，其實時間真的唔算過得很快，有時更會覺得日子過得很慢添，只係每到生日前席要諗去邊到食、食乜野面傷腦筋嘅時候，就會覺得時間過得真係好快，咁又一年喇！！
我地１９４５去到，因為冇訂位，所以同上次一樣只有門口高枱同門口側的枱可揀，咁我地都係揀咗高位，起碼睇住佢地燒而唔係面向門口先啦。
揀乜野食物當然由壽星仔負責啦，不過我明知佢一定揀哂我會食嘅野，所以我都預先話佢知有Ｄ乜野佢會鍾意食我唔食而又好食嘅，例如羊仔架喇。
我就一路影相一路望住佢揀野食，得閒又比吓意見咁，Click好要嘅野就交畀店員，店員都有介紹一些時貨海鮮，不過當時我地已經揀咗１３款食物喇，所以都話唔使咯，直到有４款食物上枱後覺得份量(Size)比我上次幫襯細咗，怕會唔夠食，又見到好多人都叫燒魚喎，一問之下知道有３種魚揀：大眼雞、馬友與未聽過的ＸＸ，好啦，好似好正我地又未食過喎，就叫一條啦，但係未食都已經唔記得係叫乜野名喇....哈哈哈哈。
以下就係我地當晚順序上枱嘅食物：
０１）燒八爪魚鬚 ($14)﹣比上次食的細條但分量多Ｄ，燒汁都幾好，唔太韌，尾段更有少少燶，正。
０２）冷豆腐泡菜 ($26)﹣普通。即係百福豆腐加泡菜 ，但浸住冷豆腐的汁就幾好味。
０３）燒蒜頭 ($12 x 2)﹣燒得剛剛好，唔乾，如果可以多一點燶就好喇。０４）燒京蔥 ($12)﹣有少少燶有少少脆，好！
０５）燒韭菜 ($12)﹣油咗少少，好似韌咗Ｄ，有Ｄ難𡁻。
０６）燒香甜厚燒玉子 ($12)﹣好乾！好燶！好實，唔惦！
０７）燒雞軟骨 ($14)﹣冇上次食的咁油膩，少少乾但好有咬口。
０８）燒墨魚咀 ($14)﹣唔....一Ｄ都唔似墨魚咀，好實，反而呢個更似雞軟骨。
０９）燒原個開邊蕃茄 ($12 x 2)﹣同上次一樣咁好食咁Juice，好好味。
１０）燒原條生燒粟米 ($20)﹣本身唔太鍾意食粟米，未起肉的更唔鍾意食添，不過壽星好鍾意食的，所以我都有食，點知原來燒粟米係咁正喎，以為會好乾，結果原來好Juice，好惦！！
１１）燒羊仔架 (2件) ($46／份)﹣睇壽星食得津津有味，應該係好好食喇o卦！
１２）燒通菜 ($12)﹣比上次食更油膩，分量也少了，仲要樣衰Ｄ添，雖然只是第２次食，但今次真係好麻麻喇。
１３）燒原條魚 ($128／時價)﹣正！！Very Very Good！！雖然唔知係乜野魚，不過係係我面前睇佢燒，食落有魚味又唔油唔乾，好正呀！！
１４）燒雞腎 ($24)﹣o矣.....乾過我荷包，細過５毫子，超貴唔好食，冇腎味呀。本來係叫雞肝，但賣哂，再叫雞心又賣哂，早知個天唔想我食雞內臟就唔叫啦。見到呢串雞腎真係想爆粗。連加一＄４２０
本來有叫八爪魚棒架，點知原來佢冇落單，不過都好彩，因為食到最後真係好飽，再來都食唔哂喇。
Post
