Video
Read full review
2017-04-03
1987 views
去左尼一間很多次，基本都係星期一六點左右去，基本無咩人，店員都食緊晚餐尼一間主打點心，傳統與創新融合，茶錢三蚊一個人、是玄米茶，也適合夜晚飲，唔會訓唔到最推介：不是炸兩：腸粉入面包住脆脆地既脆餅，雖然不是炸兩，但食既時候很滿足，仲有一個大蝦，芹菜 口感很好！不過第二次叫尼個既時候有d油，腸粉裡滲出d油 有d驚驚地，不健康但仍想食其他都唔錯，介紹下：燒賣；蝦餃： 可以兩個一份，很方便，適合一人或兩人飲茶，留d肚子食其他野。燒賣和蝦餃都以鮮蝦作為買點，的確，燒賣和蝦餃個頭的確偏大，蝦餃裡有原隻大蝦，但我更加鍾意燒賣，雖是蝦泥，但加左肥豬肉，很鮮美！一口一個好滿足！雖然卡路里肯定高！魚肚雲吞： 魚肚吸曬湯汁，很鮮美，食魚肚的同時又飲曬一包湯，很滿足，而雲吞有三個，豬肉雲耳餡，不錯流沙奶黃包：個頭好似比出面細一d，不過真的很流沙！用筷子夾起個包就會整爆左個包，然之後奶皇會自己爆曬出來，領完，流沙奶皇太甜啦，得一個甜味，好似無奶香蛋香，果然賣點得「流沙」菜苗餃有菜有大蝦，一口咬落去很滿足，點d喼汁好正！美中不足就是皮很黏，黏住筷子，口感都爭小小黑椒牛肚： 牛肚唔多，好似得五條左右，但牛肚出面覆蓋
尼一間主打點心，傳統與創新融合，茶錢三蚊一個人、是玄米茶，也適合夜晚飲，唔會訓唔到
最推介：
不是炸兩：腸粉入面包住脆脆地既脆餅，雖然不是炸兩，但食既時候很滿足，仲有一個大蝦，芹菜 口感很好！不過第二次叫尼個既時候有d油，腸粉裡滲出d油 有d驚驚地，不健康但仍想食
其他都唔錯，介紹下：
燒賣；蝦餃： 可以兩個一份，很方便，適合一人或兩人飲茶，留d肚子食其他野。燒賣和蝦餃都以鮮蝦作為買點，的確，燒賣和蝦餃個頭的確偏大，蝦餃裡有原隻大蝦，但我更加鍾意燒賣，雖是蝦泥，但加左肥豬肉，很鮮美！一口一個好滿足！雖然卡路里肯定高！
魚肚雲吞： 魚肚吸曬湯汁，很鮮美，食魚肚的同時又飲曬一包湯，很滿足，而雲吞有三個，豬肉雲耳餡，不錯
流沙奶黃包：個頭好似比出面細一d，不過真的很流沙！用筷子夾起個包就會整爆左個包，然之後奶皇會自己爆曬出來，領完，流沙奶皇太甜啦，得一個甜味，好似無奶香蛋香，果然賣點得「流沙」
菜苗餃有菜有大蝦，一口咬落去很滿足，點d喼汁好正！美中不足就是皮很黏，黏住筷子，口感都爭小小
黑椒牛肚： 牛肚唔多，好似得五條左右，但牛肚出面覆蓋著黑椒汁都算濃味，下面鋪著一層烏冬，不過：見到烏冬浸在油裡，就唔敢食
海皇芝士千絲卷：外層太油了，咬一口好似食左一啖油，好似都唔係話因為係炸野所以比較香，值得正面表揚的是裡面有原隻蝦，為佢加左分，不過至於佢個名話「芝士」我就唔知了，好似無見到，maybe係因為太少了
叉燒腸粉：一般，外皮太厚了，所以感覺叉燒很少
原粒瑤柱灌湯餃： 湯餃一大隻，但好似有d無力既訓係碗底，瑤柱得一細粒，湯好鮮，但好似鮮得有點不真實，灌湯餃內容很豐富，有見到紅蘿蔔，但豬肉餡肥肉加左很多，咬開餃子皮，一包油衝出來，瞬間清湯上浮著一包油，很不健康很heavy喔，雖然口感還可以，但⋯脂肪量有點高
油菜：我地叫左走油，所以很清淡，而且15蚊咁既一碟份量唔算少喔
小籠包：係眾多點心中既一個伏，皮厚肉小，表皮還很乾，同上海台灣既正宗小籠包無得比，店家可以反思下😄
總體還是唔錯既，適合少人聚會，都適合一個人想飲茶叫唔到人時解下饞，店員態度都唔錯，有幾個點心還是唔錯的，下次有機會我會繼續去吧
菜苗餃
14 views
0 likes
0 comments
湯餃
11 views
0 likes
0 comments
魚肚雲吞
16 views
0 likes
0 comments
Post
