Cafe Charm's (Closed)

呢日約左位理工大學的朋友同佢影畢業相, 中間一段時間空左落黎唔知做咩好, 於是就搜尋下附近有咩好食, 自己一個去食個休閒既午餐, 再去影相。搵到附近有茶餐廳、日本菜、韓國菜等等, 仲有呢一間CAFE, 最近響OPENRICE好HEAT呢! 最後決定黎呢度試~ 入到去環境幾大, 幾舒適~ 原來都幾多人下~ 好彩一個人易拎位好多 點左個卡邦尼意大利粉加雞扒, 仲要左杯凍焙茶鮮奶。凍焙茶鮮奶, 抹茶就聽得多, 焙茶真係少接觸~ 飲落去, 冇抹茶的澀味, 茶味好濃好香, 最緊要既係唔太甜, 岩岩好, 女士唔會怕肥, 加上係茶類, 感覺健康好多 係抹茶既另一選擇 一點都唔會膩, 唔似出面好多CAFE既飲品係咁落糖水卡邦尼意大利粉, 意粉好夠熱, 個意粉汁唔會太過CREAMY, 好香, 吾會太多汁而覺得好油膩, 好足料, 有好多煙肉同鮮菌, 份量足   個雞扒都唔失色, 用左香草去醃先煎, 煎得脆而香, 令到入口更令人回味雞皮好薄~ 唔肥, 好岩怕肥既女仔食埋都得cafe水準幾高, 食物上台都好快~ 用餐體驗不錯, 可以去一試, 去支持小店經營