三木日本料理 (Closed)

見到呢間有咁多好評所以就決定去呢間試下，心諗整體都一定會好好。講食物方面，大部分都係一般，最好最鍾意嘅就係火灸三文魚壽司同柚子雪糕。火灸三文魚壽司片三文魚算厚，幾好，同個醬都好夾。柚子雪糕好有柚子味，仲有唔少柚子粒，平時就好鍾意飲柚子茶嘅我覺得呢個雪糕真係好好味，好正。另外個餃子雞翼都值得推介。講到火滾位，就係等食物送到嘅時候就真係好耐好耐好耐好耐。個法式焦糖燉蛋明明已經落咗單，等咗九個字，同一張紙上面嘅甜品都嚟哂，催佢，個服務員居然話我冇落單。都算，再叫就再等多半個鐘先到。之後叫咗個炒野菜同泡菜豚肉炒飯。炒野菜等咗一個鐘，泡菜豚肉炒飯就等咗個半鐘，追咗四五次都唔嚟，到最後十五分鐘先送到。個飯濕嘅，味道呢？得個甜字，又唔算辣，而我本來係個唔食得辣嘅人。另外，個日式蟹粥同個黑松露雜菌忌廉湯完全唔熱，凍同暖之間，味道唔算差，但如果可以係熱嘅就會好好多。總括，講真，唔會再去。