Video
Read full review
2010-09-19
47 views
12-9-2010屋企人為我慶祝生日, 地點由我揀, 一行 4 人嚟到想試好耐, 但阿媽的會藉 coupon 唔用得的呢間上海店. 叫了 4 款涼菜, 一款湯, 兩款點心, 兩碟小菜及兩款甜品, 都食得幾滿意的:-燻蛋: 賣相靚絕 , 蛋黃溏心黏口, 不過面頭灑了唔少鹽, 食落好鹹 蛋白就無煙燻味, 可幸食落滑溜軟熟. 整體其實有少少失望, 不過既然唔打得都睇得吓, 算啦. 花雕醉雞: 本來想叫醉乳鴿, 但見 menu 上醉雞係招牌之一, 又轉軚試試. 酒汁好濃好啃, 唔苦, 不過雞件唔入味; 雞肉又硬又嚡, 雞皮就軟撻撻, 係招牌還是「拆」招牌? 鎮江肴肉: 望落「啫喱」不多, 咬落發覺原來係「融」了入肉, 有點潮式「豬腳凍」feel 入口即溶的, 味道亦鮮甜鹹香, 好食 鎮江醋亦夠酸香, 不過我覺得呢碟肴肉唔蘸醋「原汁原味」仲好食...烤麩: 麵筋撕至一條條, 冰冰涼涼, 質地鬆化, 有咬口得來又幾軟熟, 索滿鹹 vs 甜味比例剛好的醬汁, 食唔停口 仲有冬菇, 黑木耳 (?) etc, 一樣索汁入味, 好食.帶子海鮮湯: 一直以為湯底會係魚-ba
屋企人為我慶祝生日, 地點由我揀, 一行 4 人嚟到想試好耐, 但阿媽的會藉 coupon 唔用得的呢間上海店. 叫了 4 款涼菜, 一款湯, 兩款點心, 兩碟小菜及兩款甜品, 都食得幾滿意的:-
燻蛋: 賣相靚絕 , 蛋黃溏心黏口, 不過面頭灑了唔少鹽, 食落好鹹 蛋白就無煙燻味, 可幸食落滑溜軟熟. 整體其實有少少失望, 不過既然唔打得都睇得吓, 算啦.
花雕醉雞: 本來想叫醉乳鴿, 但見 menu 上醉雞係招牌之一, 又轉軚試試. 酒汁好濃好啃, 唔苦, 不過雞件唔入味; 雞肉又硬又嚡, 雞皮就軟撻撻, 係招牌還是「拆」招牌?
鎮江肴肉: 望落「啫喱」不多, 咬落發覺原來係「融」了入肉, 有點潮式「豬腳凍」feel 入口即溶的, 味道亦鮮甜鹹香, 好食 鎮江醋亦夠酸香, 不過我覺得呢碟肴肉唔蘸醋「原汁原味」仲好食...
烤麩: 麵筋撕至一條條, 冰冰涼涼, 質地鬆化, 有咬口得來又幾軟熟, 索滿鹹 vs 甜味比例剛好的醬汁, 食唔停口 仲有冬菇, 黑木耳 (?) etc, 一樣索汁入味, 好食.
帶子海鮮湯: 一直以為湯底會係魚-based 的奶白色, 原來係橙色 飲落有蝦殼及蝦油的甘香濃味, 亦帶少少黑胡椒的辛辣, 感覺勁似 prawn bisque 配料有蝦球, 魚及帶子, 蝦球脆身爽口, 帶子稍嚡身, 魚肉食落質地就有點霉了. 好喜歡呢個湯, 值得試試.
龍井蝦仁: 見呢度有龍井茶葉 promotion, 又叫一客龍井蝦仁試試, 但聞落又無茶香 河蝦細細粒粉粉紅紅, 食落嫩滑, 少少鹹 (多多脆? ), 當佢「清炒蝦仁」咁食, 都幾好食.
小籠包: presentation 同 Cucina (http://www.openrice.com/restaurant/commentdetail.htm?commentid=2039519) 的一樣, 不過食味就當然呢度好得多 -- 皮薄但唔易穿, 帶點煙韌, 湯汁熱辣清甜又夠多, 肉餡新鮮鮮味, 正
怕飯 / 麵太飽膩, 澱粉質叫了一客素菜蒸餃... 一向喜歡食花菜餃, 呢度的亦好食 -- 脹卜卜, 餃皮比預期薄, 好多「摺」亦包得靚, 食落少少甜, 帶麵粉香; 菜餡勁多, 剁得幼細, 食落清甜爽嫩, 正
乾煸鮮筍四季豆: 做得乾身唔油, 四季豆食落脆口無渣, 不過我更喜歡爽嫩清甜的扁尖筍 調味就做得唔多辣, 不過十分香口惹味, 食唔停口的一碟.
檯面的一小 jar 自家製 XO 醬亦不可錯過: 睇得見有勁多瑤柱絲及火腿茸, 食落唔辣, 但鹹鮮又濃香, 忍不住不斷空口「畢」嚟食.
甜品獨食了「香米布甸配茉莉茶雪糕」: 雪糕的「茉莉」香唔突出, 不過都帶淡淡茶味的, 味道少甜, 質地就似雪葩多 d, 不過夠幼滑的;「香米布甸」其實就係混了飯粒的皺皮 creme caramel, 食落一樣唔太甜, 蛋味突出, 一粒粒「白飯」就硬硬的, 亦當然妄想有「米香」啦.
另試了少少阿媽的桂花酒釀丸子,「湯底」清澈又清甜, 酒味淡, 桂花香亦淡; 丸子食得出係鮮製的, 可惜有點太軟腍, 還是煙煙韌韌的較啱口味.
食物整體不錯; 而配套就當然好啦, 唔好就大件事了.
埋單每人約 $320, 唔平, 整體印象亦有好有唔好, 不過都可以一試的.
Post
