九州鯛魚 (Closed)

太安樓真係美食嘅集中地。好耐無黎過太安樓搵食，好似入面檔位嘅格局都有少少唔同左。至於太安樓外圍嘅食肆亦都有唔少改變左。行到攰攰地，想搵一間正正經經有得坐嘅地方食晚飯，揀左太安樓外圍嘅九州鯛魚。鑑於太安樓環境太大，可能話比人知個鋪位其實係對住鯉景灣會方便大家搵多d。話歸正題，今日叫左個鳥唐揚定食，同一個咖喱手打漢堡扒飯。鳥唐揚定食都有d驚喜，雞塊炸得好juicy之餘，跟餐個鯛魚湯好濃味好香。至於咖喱漢堡扒，就無配餐嘅選擇，如果餐廳可以將佢配埋餐有湯跟就好喇！