Video
Read full review
2023-10-24
301 views
灣仔食lunch有好多選擇，不過有唔少餐廳嘅出品但求快靚正，味道普普通通。係廈門街嘅小店饞台式食堂嘅出品就簡單得嚟不普通👍🏻👍🏻餐牌有唔少選擇，包括飯類便當、牛肉麵、小食等，今次叫嘅拌麵同小食味道都幾好😋如果想試下台灣菜呢度都係一個好選擇🫶🏼鮮蝦紅油抄手拌麵雲吞皮夠薄夠滑，有足兩隻蝦🍤蝦肉超級新鮮爽彈，好食過唔少港式雲吞麵舖😋😋麵條夠爽，醬汁混入超多辣椒渣，好香口又好香辣，越食越刺激🌶️滷牛筋每塊都好大塊又厚👍🏻食到滷水料嘅香味，口感爽滑之餘中間仲食到唔少膠質，係滿滿嘅骨膠原😍😍白桃烏龍加蒟蒻落咗好多蒟蒻增加咬口，白桃烏龍清甜，正好邊食辣嘢邊解辣🤪人均消費：$120推介指數（10分為滿分）：8分
鮮蝦紅油抄手拌麵
雲吞皮夠薄夠滑，有足兩隻蝦🍤蝦肉超級新鮮爽彈，好食過唔少港式雲吞麵舖😋😋麵條夠爽，醬汁混入超多辣椒渣，好香口又好香辣，越食越刺激🌶️
滷牛筋
每塊都好大塊又厚👍🏻食到滷水料嘅香味，口感爽滑之餘中間仲食到唔少膠質，係滿滿嘅骨膠原😍😍
白桃烏龍加蒟蒻
落咗好多蒟蒻增加咬口，白桃烏龍清甜，正好邊食辣嘢邊解辣🤪
人均消費：$120
推介指數（10分為滿分）：8分
Post
