簡單廚房 (Closed)

同阿姨黎到朗豪方行街，見有啲餓，佢話上次食過簡單廚房都幾好，於是去左呢度食，點知中伏了……一入去，有個背影同我地講話入面唔開，要坐坐出面啦。嘩，好神秘喎，唔見得樣？？坐低係出面，落單叫左兩份tea set，想再叫但侍應已經走左，完全無覆單亦無問落完未……ok，好趕時間喎。全場得三個侍應有六枱客，我知你地好忙。唔夠一分鐘，熱奶茶到左，外熱內冷，好明顯係微波爐叮，仲係連奶叮，又凍又瀝，可以講話非常難飲，怪唔之全場人叫凍飲。又係即到嘅茄汁大蝦意大利粉，都係凍嘅，茄汁出水，意粉硬身有少許蒜味，蝦，雜菌，露荀少許，賣相幾靚，熱嘅話應該好味。大概五分鐘後到嘅蟹籽沙律多士配薯條，微溫。啲薯條又乾又硬，好懷疑佢地係一早炸好再放係烤爐保溫好耐。支茄汁勁黏黏立立，樽外蓋內都係，好唔衞生。多士係全餐最好食嘅，芥末味沙律醬有驚喜，人做蟹柳絲，青瓜絲再加上少少蟹籽，簡單做法，如果塊多士熱而沙律冷嘅話更好，而加成塊溫溫呑呑咁，扣哂分。四十幾至五十幾一個下午茶，咁嘅質素都幾貴，野唔好食，服務仲係好差嘅。叫埋單，又係即黎，比左錢，想飲埋杯奶茶，侍應已經收左餐枱紙同碗碟餐具等，使唔使咁快，都未找錢……真係高效率，怪唔知