妹記大排檔

Open Now

Now Closed

妹記伴我成長，食開尖沙咀嗰間雖然味道同質素而家都有所下降，但係仍然都係叫做好味。今次帶同事一共12個人過嚟食收爐飯，真係大跌眼鏡！12個人嗌咗15個餸都唔夠食，碟碟都係得幾舊，但你唔係幾舊嘢嘅價錢喎。成舊水一碟，攝牙罅都唔夠。啲員工又粗魯，上菜拍一聲擺喺枱面，唔幫我哋擺上轉盤，仲要白色嗰啲廚房單紙黐住晒啲食物，見佢哋即刻搵手指拎返出嚟。重點係味道方面，同一個啱啱學煮嘢食嘅人冇乜分別。旺角呢間分店，妹記嘅架都比你丢晒！你哋冇睇錯，佢一上嚟就係得咁多。碟炒豆苗，嗌咗冇5分鐘就上，啲菜都未收水就出鑊，我唔係叫上湯豆苗喎。薯仔一啲都唔脆，啲牛肉好韌，個汁仲要好鬼鹹，食完係咁飲嘢呢個都好離譜啊，完全咬唔開㗎！其實仲有好多其他嘢食，不過費事影晒。