Video
Read full review
2016-01-25
6186 views
今日第一次去鹿鳴春食晚飯，一共有5人去食。一坐低，嘩！間餐廳樓底奇矮，令到你覺得壓逼感同埋好好好好好嘈吵既一間餐廳。一開始有碟花生同酸菜，見到個賣相都已經唔係太開胃，一食落去，兩樣野都一D都唔醒胃。 點菜叫左三個涼菜包括素鵝，醉雞，海蜇。片皮鴨，清炒蝦仁，蒜蓉豆苗，銀絲卷，白飯。首先好快waiter就上左醉雞同蒜蓉豆苗，正常有邏輯既餐廳，都唔會第一道菜上蒜蓉豆苗。我地係叫左三個涼菜，應該係上曬涼菜先架嘛。所以出菜既部門好有問題。醉雞D雞係亁同有D粉，正常既醉雞會醃過酒先，但係呢個醉雞係完全冇醃過酒既，即係如果冇本身既酒汁，基本上係冇味！簡直係驚嚇！我自己做都好味過佢十倍。然後到海蜇，一大pat無味既橡筋條收人$120. 海蜇又唔切細條D幼D，係好粗一條咁樣，真係好野！最大獲既係完全無味架！！！蒜蓉豆苗算叫做正常，跟住到片皮鴨，包既皮係比較舊式o個種皮，同其實食店既有唔同，不過片皮鴨既配菜大蔥同青瓜就切得太大舊，如果細D會好D。片皮鴨既肉比較亁，成舊包好連醬放入口度，覺得冇咩味同對比其實做開片皮鴨既餐廳都覺得呢間一D都唔好味。真係求其搵間都一定好味過呢間D片皮鴨。到清炒蝦仁，個味OK但係
一開始有碟花生同酸菜，見到個賣相都已經唔係太開胃，一食落去，兩樣野都一D都唔醒胃。 點菜叫左三個涼菜包括素鵝，醉雞，海蜇。片皮鴨，清炒蝦仁，蒜蓉豆苗，銀絲卷，白飯。
首先好快waiter就上左醉雞同蒜蓉豆苗，正常有邏輯既餐廳，都唔會第一道菜上蒜蓉豆苗。我地係叫左三個涼菜，應該係上曬涼菜先架嘛。所以出菜既部門好有問題。
醉雞D雞係亁同有D粉，正常既醉雞會醃過酒先，但係呢個醉雞係完全冇醃過酒既，即係如果冇本身既酒汁，基本上係冇味！簡直係驚嚇！我自己做都好味過佢十倍。然後到海蜇，一大pat無味既橡筋條收人$120. 海蜇又唔切細條D幼D，係好粗一條咁樣，真係好野！最大獲既係完全無味架！！！
蒜蓉豆苗算叫做正常，跟住到片皮鴨，包既皮係比較舊式o個種皮，同其實食店既有唔同，不過片皮鴨既配菜大蔥同青瓜就切得太大舊，如果細D會好D。片皮鴨既肉比較亁，成舊包好連醬放入口度，覺得冇咩味同對比其實做開片皮鴨既餐廳都覺得呢間一D都唔好味。真係求其搵間都一定好味過呢間D片皮鴨。
到清炒蝦仁，個味OK但係漿左D，又唔上醋有D奇怪。白飯既飯比較淋，唔亁身。
總括黎講，呢間京菜唔會再黎。因為食物難食同冇咩賣相，根本就冇興趣影相。
Waiter又唔知點解冇咩禮貌，成日過黎騷擾你，搬下你D碟呀咁，好多時傾緊計都俾佢打斷話題。服務唔好。野食偏貴，有D覺得簡直收的太貴，一定唔會再黎，寫呢篇野係唔想大家俾呢間餐廳呃。
Other Info. :
好差既經歷。
(The above review is the personal opinion of a user which does not represent OpenRice's point of view.)
Post