大澳德發 (Closed)

下午茶時間嚟到大澳德發，冇叫到佢哋最出名嘅中式小菜小炒，而係叫咗個星洲炒米。食物上枱，幾大碟，算抵食。唔知係咪燈光影響，眼見米粉比較淺色，估計咖哩落得唔夠。試一啖，果然夠鹹但唔夠咖哩香。配料方面算多，特別係蝦仁，雖然係冷藏貨色，但都夠大夠彈牙，唔錯。至於杯凍檸茶就值得一讚，檸檬有四大片，絕對唔孤寒，茶味亦夠濃。餐廳最值得欣賞嘅係服務態度，因為唔知我會用筷子還是叉，於是店員就一併送上，更笑容可掬，值得一讚。