常聚 (Moved) New Location

經Foodpanda叫咗晚市小菜。首先係「招牌沙薑雞」，要咗半隻（$132）。隻雞比較梅，雞件比較細舊，而且嗰底有啲啲太油，但整體而言都算有沙薑味。跟住係秘製牛柳（$84）。其實即係中式牛柳。牛柳好大塊，有肉味，應該冇用蘇打水浸過；而且有將近十舊，有驚喜啊！最後係金銀蛋浸時菜（$74）。我哋要咗菜心，餐廳有聽。鹹蛋同皮蛋都唔算少，但亦唔會太鹹，算係唔錯。另外，叫小菜有附送一碗白飯，破有飯香味，唔會太硬或者太軟。*價錢為Foodpanda價格。