巴西燒烤餐廳 (Closed)

這間餐廳在舊年9月已經開左，其實我都食過唔止一次啦！因為我是附近某學校的學生。座位分室外和室內，不過都係坐室內好D，因為室外得泳池景，倒不如坐室內歎冷氣，取食物也方便些。食物方面，有燒羊脾肉、豬頸肉、牛肉眼、雞翼、腸仔等肉類，滿足「食肉獸」的需求。不太愛肉的也可試燒青椒、粟米、菇類甚至菠蘿！除這些有專人在你的檯前切給你的食物外，出面還放了沙律、冷盤、餐湯等，還有六七個熱盤。甜品方面，似乎水準平平，所以只好食雪糕和水果。不過食雪糕都要睇彩數，因為有時雪實晒好難將其取出。隨餐還附送一杯餐飲，最好早D叫定，以免食得過飽飲唔落。我食的全是午市，坐位只坐到三成滿，不過以$58再加一價錢，實在很抵食。