Video
Read full review
2016-07-13
677 views
傳說中的廣華街，真係勁多figure！我老公睇到傻左！左嗌右嗌..真係耳膜都穿啦！潮聖完畢就要醫肚啦！模型街一出就見到一間招牌七彩顏色既餐廳，行到攰唔想再行啦！直入唔該！舖面細細，好多籃球鞋，我諗老闆一定好中意籃球！我地坐左靠牆位，面壁思過XD，先嗌個小食先！水牛城雞翼: 聽就聽人講得多，自己真係未食過！雞翼好細隻，炸過既，個醬好惹味，味道有d甜，多多酸，食落酸到咪晒眼，但個味好正！令我愈食愈想食！正！雞翼都有7，8隻，小小地試下都OK！伴碟仲有d沙律菜，如果覺得個味道太Over，學我丫，食d沙律菜平衡下XD板燒牛肉眼扒配乾蔥紅酒汁: 共有兩塊，有dd失望，因為好似好細碟咁，但食落其實都幾飽XD，肉眼扒我地嗌左6成，切開時都要少少用力，肉都係紅色，但又唔un，真。食到牛肉味！扒既底仲有翠肉瓜，薯條同菇！其實幾豐富架！紅酒汁唔太濃郁，只覺得有d甜味，不過同塊扒都幾match丫！美國豚肉眼扒配麥香啤酒汁: 啤酒汁就唔覺，但係的確有少少小麥味，呢度既汁都係偏淡，但係淋係塊扒上，岩岩好啦！豚肉眼扒有兩塊，第一啖感覺好似食緊漢堡包，d肉好林，一放入口咬兩口就融化，但之後近尾段的肉反而較un，有d
舖面細細，好多籃球鞋，我諗老闆一定好中意籃球！我地坐左靠牆位，面壁思過XD，先嗌個小食先！
水牛城雞翼: 聽就聽人講得多，自己真係未食過！雞翼好細隻，炸過既，個醬好惹味，味道有d甜，多多酸，食落酸到咪晒眼，但個味好正！令我愈食愈想食！正！雞翼都有7，8隻，小小地試下都OK！伴碟仲有d沙律菜，如果覺得個味道太Over，學我丫，食d沙律菜平衡下XD
板燒牛肉眼扒配乾蔥紅酒汁: 共有兩塊，有dd失望，因為好似好細碟咁，但食落其實都幾飽XD，肉眼扒我地嗌左6成，切開時都要少少用力，肉都係紅色，但又唔un，真。食到牛肉味！扒既底仲有翠肉瓜，薯條同菇！其實幾豐富架！紅酒汁唔太濃郁，只覺得有d甜味，不過同塊扒都幾match丫！
美國豚肉眼扒配麥香啤酒汁: 啤酒汁就唔覺，但係的確有少少小麥味，呢度既汁都係偏淡，但係淋係塊扒上，岩岩好啦！豚肉眼扒有兩塊，第一啖感覺好似食緊漢堡包，d肉好林，一放入口咬兩口就融化，但之後近尾段的肉反而較un，有d梅，但好有豬味！但係個感覺同豬扒完全唔同，呢個係嫩滑好多好多！
綠色呢杯叫Increditable Hulk，$88，老公覺得幾得意就叫黎試下，到底有幾Increditable呢？原來係蜜瓜味既飲品，面仲有一堆Cream，Cream本身已經好滑，融埋杯野度仲更滑！蜜瓜甜，好清新既感覺！成杯野都凍冰冰，好透心涼！仲有哈蜜瓜tim！
而我自己就叫左杯Blue Punch，呢黎先知原來可以一開二，倒兩杯XD，伙計先黎兩杯淨水果既杯，有哈蜜瓜，士多啤梨，藍莓。之後再黎多Jar藍色飲品，細問之下原來係藍薄荷黎架！我地試下淨飲d藍薄荷，一入口OK，之後會feel到酸酸既感覺，有d澀，之後再試加埋生果既，發現味道唔一樣，有生果的punch有d甜既味道，易入口！
餐廳好在可以慢慢坐，我地睇完模型無晒戰鬥力，有個地方比我地坐耐少少，正呀！但係d椅子無"挨Pan"架，大家要留意啦！
Post
