Video
Read full review
2022-11-09
619 views
🌟餐廳：柚子茶室📍地址：旺角棕樹街2-20號榮富苑地下1A號舖💰價位：～$51 - $100⏰營業時間：星期一至日 07:30 - 21:00📱電話：2806 0886今日同媽媽出旺角行街買野，落毛毛細雨大家唔想買餸返屋企煮飯，但又好想食下家常便飯，經過大角咀，見到呢間柚子茶室，自創柚子為主題既菜式，雞同燉湯亦係佢地既招牌菜，一於同媽媽簡簡單單咁食返餐家常小菜先～———————————————————🔹淮山圓肉燉烏雞足料燉製，有齊淮山、圓肉、黨參、瑤柱等湯料，好滋潤清甜，食完成個人都暖笠笠！———————————————————🔹話梅醉雞雞肉肉質細嫩，滿滿花雕酒既酒香，特別加入話梅浸制，味道零舍清新又醒胃。———————————————————🔹柚子雞翼大大隻生炸雞翼，外皮香脆可口，雞肉Juicy多汁，加埋餐廳自家製柚子特色醬料，酸酸甜甜好惹味！———————————————————🔹蟲草花木耳蒸雞飯配是日靚湯好味又有營養既菜式～雞肉滑嫩，爽脆有咬口既蟲草花同木耳索滿肉汁既精華，拌飯一流～是日靚湯係紅蘿蔔粟米煲豬展，鮮甜足料好清潤，岩哂而家天氣飲。———————————————————
📍地址：旺角棕樹街2-20號榮富苑地下1A號舖
💰價位：～$51 - $100
⏰營業時間：星期一至日 07:30 - 21:00
📱電話：2806 0886
今日同媽媽出旺角行街買野，落毛毛細雨大家唔想買餸返屋企煮飯，但又好想食下家常便飯，經過大角咀，見到呢間柚子茶室，自創柚子為主題既菜式，雞同燉湯亦係佢地既招牌菜，一於同媽媽簡簡單單咁食返餐家常小菜先～
———————————————————
🔹淮山圓肉燉烏雞
足料燉製，有齊淮山、圓肉、黨參、瑤柱等湯料，好滋潤清甜，食完成個人都暖笠笠！
———————————————————
🔹話梅醉雞
雞肉肉質細嫩，滿滿花雕酒既酒香，特別加入話梅浸制，味道零舍清新又醒胃。
———————————————————
🔹柚子雞翼
大大隻生炸雞翼，外皮香脆可口，雞肉Juicy多汁，加埋餐廳自家製柚子特色醬料，酸酸甜甜好惹味！
———————————————————
🔹蟲草花木耳蒸雞飯配是日靚湯
好味又有營養既菜式～雞肉滑嫩，爽脆有咬口既蟲草花同木耳索滿肉汁既精華，拌飯一流～是日靚湯係紅蘿蔔粟米煲豬展，鮮甜足料好清潤，岩哂而家天氣飲。
———————————————————
🔹雞湯灼娃娃菜
雞湯用大量雞骨熬煮，而且娃娃菜好索湯，簡單又健康菜式。
———————————————————
🔹柚子薏米水
大量生熟薏米加上柚子醬沖調而成，好滋潤，甜度適中。
———————————————————
🔹心太軟西多士
熱辣辣既西多士，切開即刻流出香濃朱古力，味道濃郁又唔會太甜，配搭西多士一流！估唔到係呢餐主打家常菜既餐廳，可以食到咁高質既甜品～
———————————————————
😋味道：4/5
🏢環境：3.5/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
呢間餐廳好岩鍾意食雞肉同家常小菜既朋友～餐廳仲好有特色咁用柚子入饌，味道好夾，毫無違和感，而且每款菜式份量充足，岩哂想食返個家常便飯又忙碌既上班族～
Post
