雲南小鍋米線

Open Now

Now Closed

身為一名米線控，時不時都留意住有咩好味米線食，而呢間超有人氣嘅雲南小鍋米線更係我一直都好想試嘅舖頭之一🤪 去到前排終於有機會一試，果然無令我失望，即刻晉身我最愛嘅米線頭三名🥰一場嚟到，當然試試佢個皇牌米線啦！當中都有唔少餸，包括雞絲、腩肉同螺旋藻😋 先講下主角米線，口感煙韌，唔會過軟過硬，係我鍾意嘅口感😍 另外，湯底嗌咗小小辣，仲食到少少酸味，濃味得嚟又唔太油👍🏻 不得不讚佢個雞絲，聽聞係人手撕嘅，撕得好碎，勁入味，而且份量仲唔少添！腩肉亦煮得好腍身好香口！而螺旋藻就正正常常，幾鍾意佢唔會太索汁，食多少少都唔怕😆另外，一向熱衷於食炸醬做餸嘅我今次都唔例外，嗌咗炸醬同豬軟骨😙 佢嘅炸醬好香口，明顯炒過嚟，仲煮得相當入味，撈埋米線一齊食好正🤩 不過「食得炸醬抵得渴」，食耐咗真係有啲鹹。而豬軟骨都幾唔錯，有三大嚿，每嚿肉都煮得幾腍，但可以再煮腍啲，如果連骨都再腍啲就更正！而呢個湯底因為炸醬嘅關係變得辣少少，更加惹味，相當唔錯😋見佢仲有醉豬手食，平時坊間好少見，所以我哋都嗌咗份嚟食，呢個價錢有三大嚿都算抵😌 食落豬手依然爽口，充滿骨膠原，略嫌花雕酒味唔夠重，同埋腍啲會更易入口🙈總括而言，呢間人