Video
Read full review
2010-12-04
127 views
尋日(3-12-2010 Fri)放工覺得好悶,暫時唔想返屋企,就同男友返北角整啲o野,整o野前食o野,但因早餐同晏晝都食個Pie & Tart雞批食得飽飽,所以只想食少少o野,o黎到天后清風氐街一帶,有好多o野食,本來想食串燒,但人多等位都唔緊要,只係有人遲o黎先上岸,老闆雖然殷勤招待,但佢根本冇認到先後次序,咁算啦,我o地唔等,搵等二啲o野食.男友極力推介呢間車仔麵,重話好耐冇食.咁就入o黎食啦,男友話費事諗餸,就要$30.00o既大什麵,有豬大腸,豬紅,豬皮,豆卜,咖喱魚蛋,蘿蔔,雞翼同時菜,要米線咖哩汁.我就要$17.00o既兩餸麵,要牛腩汁牛筋貢丸油麵.一陣後,男友o既先到,大大碗,想唔影相都唔得,而我o既都o黎到,我o既餸呢,貢丸有兩粒,牛筋有三件.我o地交換o左啲餸,我先食吓男友o既米線,覺得冇問題.我飲吓啲腩汁,係有味但唔太濃,而油麵呢,食到幾重粉味,口感有啲糊,食到咁,至發覺原來米線好食過油麵,因為米線有啲彈牙,又唔係糊口.而餸呢,男友o個碗雞翼等一隻,重要只係一隻好細o既雞中翼,我就咬o左一啖,係鹵水雞翼,尚算入味.牛筋好夠腍,豆卜大大件,豬皮都入味,蘿蔔冇渣,其他
男友極力推介呢間車仔麵,重話好耐冇食.咁就入o黎食啦,男友話費事諗餸,就要$30.00o既大什麵,有豬大腸,豬紅,豬皮,豆卜,咖喱魚蛋,蘿蔔,雞翼同時菜,要米線咖哩汁.我就要$17.00o既兩餸麵,要牛腩汁牛筋貢丸油麵.
一陣後,男友o既先到,大大碗,
想唔影相都唔得,而我o既都o黎到,
我o既餸呢,貢丸有兩粒,牛筋有三件.我o地交換o左啲餸,我先食吓男友o既米線,覺得冇問題.我飲吓啲腩汁,係有味但唔太濃,而油麵呢,食到幾重粉味,口感有啲糊,食到咁,至發覺原來米線好食過油麵,因為米線有啲彈牙,又唔係糊口.而餸呢,男友o個碗雞翼等一隻,重要只係一隻好細o既雞中翼,我就咬o左一啖,係鹵水雞翼,尚算入味.牛筋好夠腍,豆卜大大件,豬皮都入味,蘿蔔冇渣,其他o既都冇乜問題.
而男友開頭其實想要辣汁,但知我唔食得辣,所以問老闆娘另外畀辣汁料佢,老闆娘好好人咁畀佢,重話唔夠可以再要,真好人.
而男友話好彩碗米線唔係叫辣汁,
因為啲料真係幾辣,佢都頂唔順.
最後因為我o地都口渴,所以要$5.00一支o既豆漿,$5.00o黎講都算大支,而甜度o岩o岩好,唔太甜又唔係話唔甜,唔錯.
Post
