小雲川 (Closed)

去到旺角又想食米線，經過先達附近入左小雲川。小雲川比起一般食米線既餐廳整潔，風格又唔似譚x咁。小雲川有多種餐牌，提供多種套餐。兩個人叫左幾樣野食。小雲川雞翼一客有三隻，火喉岩岩好，落左蜜糖，食落幾香口。鹵水牛展有四件一客，大大件，都幾抵食。雞排小雲卷米線有雞排有小雲卷，都幾豐富，小小辣味道岩岩好，酸酸辣辣幾野味，再辣未必食到。蕃茄安格斯肥牛米線蕃茄湯唔會太濃，有新鮮蕃茄，肥牛唔會太大舊同埋夠淋，唔錯。熱豆漿甜度岩岩好，今日咁岩轉凍，飲杯熱豆漿一流！如果去開旺角想食米線，唔駛下下譚x既，可以試下小雲川。