金拇指米線 (紅磡廣場) (Closed)

我係好鐘意食米線嘅人，基本上一個星期都會食1至2次先滿意。 阿媽都話我好似上咗癮咁。自從發現咗金拇指之後，總會耐唔耐就去食，因為性價比真係唔錯，又靠近屋企，不用搭車就可以食到米線。今日都有好多位，order完可以直接坐低等食物。廚房好快手就煮好，10分鐘就有得食。我就試左豬軟骨麻辣米線啦，麻辣味道夠勁道，不過d米線就碎左d，我覺得幾好味，飲下飲下又飲哂d湯，我食米線好鍾意飲埋D湯，不過阿媽會話無益，同埋有D米線舖頭真係好多味精，飲哂d湯會好口渴，要不停咁灌水。