深深甜品

Open Now

Now Closed

呢個係米芝蓮推介嘅甜品店，所以我專登行去深水埗試吓佢。佢哋都好晏先開門，要下晝三點之後。咁我哋今次有五個人去，所以可以點好多唔同嘅嘢。喺嗰度返工嘅後生女都好好禮貌又好好笑容。由於我哋四點幾去，所以係冇乜人，咁我哋點咗幾樣經典嘅嘢。第一陳皮紅豆沙，食落幾滑，亦都好有陳皮味！第二馬蹄露清心丸，而家清心丸唔係好多地方食到，難得呢度都幾好食！清心丸有啲𡁻頭第三樣波霸芋圓配雪糕，凍冰冰係我個friend先食得到，我就冇乜興趣！第四樣木瓜雪耳燉桃膠，滋潤嘅，味道正常啦，同好多糖水舖都差唔多。