Video
Read full review
2022-09-26
101 views
今日朋友帶我去上環食川菜，名叫「井巷子」。餐廳門口裝修清雅，去到先知原來係連續三年得到米芝蓮推介嘅餐廳。食完覺得CP值比起奪星嘅餐廳更加高。餐廳逢星期六日都有二人套餐，套餐包括free flow 嘅餐酒，三款餐酒嘅價錢都不同，今次揀咗 G.H. Mumm Grand Cordon NV 香檳。據我所知支酒出面超市賣大概$400，酒量好嘅真係值回票價。頭盤：西班牙向日葵甘栗豚叉燒隻豬原來好唔簡單，佢哋主要食向日葵，栗子及橡果，比普通豬的不飽和脂肪酸含量高出很多，而不飽和脂肪酸能對健康大有裨益。叉燒肥瘦適中，肉質幼嫩，而且外層醬汁好清甜，食落好開胃。井巷子片皮鴨首先麵皮夠薄，質感實淨，醬汁甜中帶鮮味。片皮鴨外層鬆脆，肉質細嫩。大廚包得好好，配料和醬汁嘅比例一流，整件放落口食，超好味。頭盤 （任揀四款，重點係無限添加）：夫妻肺片（牛展 牛舌 牛肚)麻辣味做得好平均，唔會話得個辣字，三款牛嘅部位都醃得好入味，而且唔靭，夠腍。怪味醬口水鵝矍味道一啲都唔怪，只可以話味道好豐富，辣得好有層次。而且每件鵝翼都起咗骨，唔鍾意吮骨嘅啱晒。脆皮茅台乳鵨 乳鴿都幾大隻，外層鬆脆，肉質幼嫩，而且有着茅台酒味，
餐廳逢星期六日都有二人套餐，套餐包括free flow 嘅餐酒，三款餐酒嘅價錢都不同，今次揀咗 G.H. Mumm Grand Cordon NV 香檳。據我所知支酒出面超市賣大概$400，酒量好嘅真係值回票價。
頭盤：
西班牙向日葵甘栗豚叉燒
隻豬原來好唔簡單，佢哋主要食向日葵，栗子及橡果，比普通豬的
不飽和脂肪酸含量高出很多，而不飽和脂肪酸能對健康大有裨益。叉燒肥瘦適中，肉質幼嫩，而且外層醬汁好清甜，食落好開胃。
井巷子片皮鴨
首先麵皮夠薄，質感實淨，醬汁甜中帶鮮味。片皮鴨外層鬆脆，肉質細嫩。大廚包得好好，配料和醬汁嘅比例一流，整件放落口食，超好味。
頭盤 （任揀四款，重點係無限添加）：
夫妻肺片（牛展 牛舌 牛肚)
麻辣味做得好平均，唔會話得個辣字，三款牛嘅部位都醃得好入味，而且唔靭，夠腍。
怪味醬口水鵝矍
味道一啲都唔怪，只可以話味道好豐富，辣得好有層次。而且每件鵝翼都起咗骨，唔鍾意吮骨嘅啱晒。
脆皮茅台乳鵨
乳鴿都幾大隻，外層鬆脆，肉質幼嫩，而且有着茅台酒味，絕對唔需要點任何醬汁，已經好夠味道。
炸排骨（西班牙向日葵甘栗豚）
之前食完頭盤叉燒真係唔夠喉，所以試埋佢嘅炸排骨。首先個脆漿做得好高質，鬆脆但唔油膩，能鎖住肉汁，真係食唔停口。
主菜：
皺皮椒酸菜煮英國深海鱸鱼
鱸魚好似豆腐咁滑溜，酸菜湯好creamy濃郁，而且帶有魚鮮味，可能跟重魚油嘅鱸魚有關，有別於其他餐廳，第一次將啲酸菜湯飲晒，依度菜真係必食。
腰果辣子鵪鶉脾
脆漿吸收左腰果辣子嘅味道，所以好入味，鵪鶉肉非常鮮味，肉質幼嫩，中間還帶點粉紅，火候控制得相當好。據我所知鵪鶉營養價值好豐富，還有動物人蔘之稱。之前飲過佢用鵪鶉煲嘅湯，但估唔到炸鵪鶉係咁好味。
主食 ：
剁椒花膠撈飯
炒飯之上鋪滿一條條厚厚嘅花膠，用料十足，撈埋剁椒一齊食，估唔到帶出花膠嘅鮮味。
酸菜海參龍蝦球手工麵
龍蝦夠新鮮，海參滑溜又爽口，手工麵粗幼適中，而且細滑，配埋個酸菜湯，雖然已經食到好飽，但係都好想食晒佢。
甜品：
松子花生土紅糖冰粉，配有黑糖漿、風乾咗嘅杞子，味道清甜可口，食完十分滿足。
Post
