西關老祖 (文苑樓)

Open Now

Now Closed

今日做完身體檢查喺附近搵嘢食，見到呢家米芝蓮外賣店特登過嚟拜訪一下。西關瀨粉配炸肉粽同平時食嘅瀨粉唔同，呢個比較似米通粉嘅西關瀨粉，食起嚟比較有咬口，唔係湯而係汁去配搭嚟食，加埋超香嘅豬油渣，味道更加濃，佢仲有D蝦米仔，冬菇同蒜咁嘅配料，香上加香。炸肉粽，我係第一次食，覺得好好味，好似飯焦咁，炸咗又更加多一重香氣，咬落軟糯，又有粽嘅肉同肥膏，邪惡又好食！綠豆沙同紅豆沙唔會太甜，但好足料 ，分別有落臭草同陳皮，同埋煮到起晒沙，唔太甜食得仲舒服，用個杯裝密封左又唔怕倒瀉，讚！仲有個極黑黯然銷魂飯，佢嘅叉燒用上黑豉油烹調，食落味道獨特，加上佢嘅豬肉係黑毛豬肉，真係另一個級別嘅好味。