容龍海鮮酒家

Open Now

Now Closed

個日媽咪生日，就諗住車佢去食d好嘢，聽人講容龍米芝蓮都有上榜，所以就諗住去試下。就算平日星期三夜晚去食，都係要預先book位架。個門面好有氣派，係成座別墅咁，好有住家菜feel.第一次食就叫咗d招牌菜，有芝士焗龍蝦、大澳唐生菜、糯米蟹飯、乳鴿。龍蝦其實兩個人一隻已經夠食，裏面d肉好甜，外層既芝士好脆，兩個夾埋一齊好入味；生菜好多汁，配飯一流；糯米飯有原隻蟹，蟹肉鮮甜，同埋好大盅，一定夠一家人食。最後我哋仲切咗之前請佢哋幫我雪住先既蛋糕，又唔收切餅費，真係幾貼心。下次屋企聚會都會再嚟過！