Video
Read full review
2022-12-15
1834 views
臨近年尾又到白松露季節，今次介紹呢間米芝蓮3星餐廳既主廚更加係被稱為「白松露之王」😹。適逢媽媽生日，我地兩個又未食過白松露，所以特意嚟會一會佢！-Dinner Menu 想叫set的話有一個 $2380 既Classic Menu，另外都可以A La Carte 咁叫。但如果想試白松露的話就只有另一個單獨既A La Carte Menu。當然有白松露價錢會貴好多，一個Main價錢就差不多貴成一倍啦~ -🎈Bread Basket一籃就有半圓嘅sourdough、脆片同麵包條。店員會為你倒上欖欖油，食客可以自行添加醋。Sourdough有麥香，外皮香脆，內裏夠軟熟。好食（可能因為免費所以更加覺得好食😹）！推薦指數: 8.5/10-🎈Amuse Bouche 同級數嘅餐廳都好捨得係餐前小食呢一part去impress你，所以我都好期待，不過換嚟嘅係有少少失望🤏。我哋當日嘅前菜係北海道帶子配魚子醬，底下有少少Cauliflower，再配上Champagne Sauce。好食但就覺得份量少咗啲，好似有少少寒酸🤣。不過畢竟係免費嘅，都冇乜嘢可以批評。推薦指數: 6/10-🎈Marinated L
臨近年尾又到白松露季節，今次介紹呢間米芝蓮3星餐廳既主廚更加係被稱為「白松露之王」😹。適逢媽媽生日，我地兩個又未食過白松露，所以特意嚟會一會佢！
-
Dinner Menu 想叫set的話有一個 $2380 既Classic Menu，另外都可以A La Carte 咁叫。但如果想試白松露的話就只有另一個單獨既A La Carte Menu。當然有白松露價錢會貴好多，一個Main價錢就差不多貴成一倍啦~
-
🎈Bread Basket
一籃就有半圓嘅sourdough、脆片同麵包條。店員會為你倒上欖欖油，食客可以自行添加醋。
Sourdough有麥香，外皮香脆，內裏夠軟熟。好食（可能因為免費所以更加覺得好食😹）！
推薦指數: 8.5/10
-
🎈Amuse Bouche
同級數嘅餐廳都好捨得係餐前小食呢一part去impress你，所以我都好期待，不過換嚟嘅係有少少失望🤏。
我哋當日嘅前菜係北海道帶子配魚子醬，底下有少少Cauliflower，再配上Champagne Sauce。好食但就覺得份量少咗啲，好似有少少寒酸🤣。不過畢竟係免費嘅，都冇乜嘢可以批評。
推薦指數: 6/10
-
🎈Marinated Langoustine ($520)
海螯蝦刺身配魚子醬同北海道海膽，再加上橙味奶油。賣相好精緻，但份量比較少。要兩個人share的話會有點勉强，不過淺嘗一下都ok，畢竟主角都未出場😹。好新鮮味道鮮甜，好食但同樣無太大過人之處。
推薦指數: 7/10
-
🎈White Truffle Homemade Tagliolini ($1190)
白松露同parmesan一定係最夾，加上HomemadeTagliolini 意粉。特登問下店員白松露同黑松露既分別，店員就話白松露會比黑松露味道更重一點。上菜既時候店員即場為我地刨上白松露，離遠都已經聞到白松露既香氣。每一口都充滿松露（金錢）既味道，超好食！
推薦指數: 8.5/10
-
🎈White Truffle Risotto ($1190)
由於媽媽唔食芝士，店員建議可以幫我地改成olive oil煮，唔加芝士。傳統意大利飯會比我地平時食既硬身一點。入口依然係好香松露既味道，果然係食少少已經會好飽😹。
推薦指數: 8.5/10
-
🎈White Truffle Gelato ($380)
第一次見松露融入雪糕入面，原來松露唔一定係咸點。無左個種好香好濃既松露香氣，但做出來既味道好特別。下面墊住poached pear，算係比想像中清新的一道甜品。
推薦指數: 8/10
-
🎈Limoncello Soufflé ($210)
梳芙厘都係比較常見既傳統甜品。無太大驚喜，不過不失。
推薦指數: 7/10
-
🎈Birthday Cake
因為是次食好西係為左慶祝媽媽生日，提前同餐廳講左想係dessert plate寫字，結果餐廳送左件蛋糕仔再係上面寫字！所以生日去呢d餐廳一定要remark，通常都會有著數😹！今次送既係朱古力撻，上面有raspberry。好驚喜，味道正常啦~
推薦指數: 7/10
-
🎈Petit Four
雖然食左唔係好多，但其實去到呢個環節已經好飽。
係我地食完甜品店員就推左架甜品車出嚟，見到既時候忍唔住大叫：「哇好fancy啊😻」！食客可以選擇自己合眼緣既甜品，每件份量都唔算好大。但因為太飽既關係，我只試左個柚子撻仔，好食~
推薦指數: 8/10
-
🎈Cappuccino ($80)
最後媽媽點左一杯咖啡，好靚既set-up！
-
🎀總括而言🎀
👉食物：白松露真係好香，值得一試！其他野都好食，但就相對普通啦~
👉服務：以米芝蓮3星來說對佢期望會更高。可能因為白松露season，所以當日都係full house，有時甚至會出現搵唔到店員幫手既情況。不過店員服務都好好，只不過好似真係太忙了。而且我見主廚唔係每一枱都會親自刨松露，我地呢一枱就係由店員刨。見網上有其他人都有講呢個情況，真係唔知道有咩條件先可以觸發到呢個副本😹。
👉環境：我地特別request左窗邊位，環境好開揚。整體裝修都係比較grand有少少歐式古典感覺咁。
推薦指數: 8/10
-
🎀其他小資訊🎀
👉訂位：phone booking / 因為有特定日子想去，所以專門早左兩個月book同request窗邊位置
👉信用卡優惠：🈚️
Post
